ബെംഗളൂരു റെഡ് സോണില്‍; കൂടുതല്‍ നിയന്ത്രണങ്ങള്‍

By News Bureau, Malabar News
More-restrictions-In-Bengaluru-Red-Zone
Ajwa Travels

ബെംഗളൂരു: കര്‍ണാടകയില്‍ കോവിഡ് വ്യാപനത്തിന്റെ പശ്‌ചാത്തലത്തില്‍ നിയന്ത്രണങ്ങള്‍ കടുപ്പിക്കുമെന്ന് റവന്യൂമന്ത്രി ആര്‍ അശോക. ജനുവരി 7ന് മുന്‍പായി കൂടുതല്‍ നിയന്ത്രണങ്ങള്‍ പ്രഖ്യാപിക്കുമെന്ന് മന്ത്രി വ്യക്‌തമാക്കി.

സംസ്‌ഥാനത്ത് നിലവില്‍ രാത്രി കര്‍ഫ്യു ഏര്‍പ്പെടുത്തിയിട്ടുണ്ട്. പുതുവൽസര ആഘോഷത്തിലെ ആള്‍ക്കൂട്ടം ഒഴിവാക്കാനായിരുന്നു നിയന്ത്രണം ഏർപ്പെടുത്തിയത്. അതേസമയം കോവിഡ് കേസുകളുടെ എണ്ണം വർധിക്കുന്ന സാഹചര്യത്തിലാണ് കൂടുതല്‍ നിയന്ത്രണങ്ങളെ കുറിച്ച് കര്‍ണാടക സര്‍ക്കാര്‍ ആലോചിക്കുന്നത്.

കേന്ദ്രസർക്കാർ പ്രഖ്യാപിച്ച പട്ടിക പ്രകാരം ബെംഗളൂരു റെഡ് സോണിലാണെന്നും ജാഗ്രതാ നിർദ്ദേശം നൽകേണ്ടത് പ്രധാനമാണെന്നും മന്ത്രി അശോക പറഞ്ഞു. ബെംഗളൂരുവിൽ നിയന്ത്രണങ്ങൾ കൂട്ടുന്നത് വഴി കൂടുതല്‍ പേരുടെ ജീവന്‍ രക്ഷിക്കാമെന്നും അദ്ദേഹം കൂട്ടിച്ചേർത്തു.

അതേസമയം സര്‍ക്കാര്‍ നിലപാട് വളരെ വ്യക്‌തമാണെന്ന് മുഖ്യമന്ത്രി ബസവരാജ് ബൊമ്മൈ പറഞ്ഞു. നേരത്തെ ലോക്ക്ഡൗൺ ഏർപ്പെടുത്തിയിരുന്നു. അത് ആവർത്തിക്കാൻ പാടില്ല. ഇതിനായി കർശന നടപടികളാണ് സ്വീകരിക്കുന്നത്. ജനങ്ങള്‍ സര്‍ക്കാരിനോട് സഹകരിക്കണം; മുഖ്യമന്ത്രി വ്യക്‌തമാക്കി.

രാജ്യത്ത് ആദ്യമായി കോവിഡ് സ്‌ഥിരീകരിച്ചത് കര്‍ണാടകയിലാണ്. നിലവിൽ സംസ്‌ഥാനത്ത് ഒമൈക്രോൺ വ്യാപനവും ആശങ്ക സൃഷ്‌ടിക്കുന്നുണ്ട്. കഴിഞ്ഞ ദിവസം വരെ 64 ഒമൈക്രോണ്‍ കേസുകളാണ് ഇവിടെ റിപ്പോര്‍ട് ചെയ്‌തത്‌.

Most Read:  കാറിന് നേരെ വെടിയുതിർത്തു; ഇതാണോ ഇമ്രാന്റെ പുതിയ പാകിസ്‌ഥാൻ? റെഹം ഖാന്‍

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE