പാലക്കാട്: നെല്ലിയാമ്പതി സര്ക്കാര് ഓറഞ്ച് ആന്ഡ് വെജിറ്റബിള് ഫാമിലെ സമഗ്രവികസനത്തിന്റെ ഭാഗമായി നിർമാണം പൂര്ത്തീകരിച്ച ട്രെയിനീസ് ഹോസ്റ്റൽ കെട്ടിടം, ഹൈടെക് മോഡല് നഴ്സറി , ഫലവൃക്ഷ തോട്ട നിർമാണം എന്നിവയുടെ ഉൽഘാടനം ഫെബ്രുവരി 7ന് നടക്കും. കാര്ഷിക വികസന കര്ഷക ക്ഷേമ വകുപ്പ് മന്ത്രി അഡ്വ.വിഎസ് സുനില്കുമാര് ആണ് ഉൽഘാടനം നിർവഹിക്കുക.
നെല്ലിയാമ്പതിയിലെ സര്ക്കാര് ഓറഞ്ച് ആന്ഡ് വെജിറ്റബിള് ഫാമില് വൈകിട്ട് നാലിന് നടക്കുന്ന പരിപാടിയില് കെ.ബാബു എം.എല്.എ അധ്യക്ഷനാകും. രമ്യ ഹരിദാസ് എംപിയാണ് മുഖ്യാതിഥി.
ആര്കെവിവൈ പദ്ധതിയില് ഉള്പ്പെടുത്തിയാണ് ഹോസ്റ്റൽ കെട്ടിടം നിർമിച്ചിരിക്കുന്നത്. കൂടാതെ സ്റ്റേറ്റ് ഹോര്ട്ടി കള്ച്ചര് മിഷന് പദ്ധതിയില് ഉള്പ്പെടുത്തി ഹൈടെക് മോഡല് നഴ്സറി, ഫലവര്ഗ വികസന പദ്ധതിയുടെ ഭാഗമായി ഫലവൃക്ഷ തോട്ട നിര്മ്മാണം എന്നിവ പൂര്ത്തീകരിച്ചിട്ടുണ്ട്. ജില്ലാ പഞ്ചായത്ത് പ്രസിഡണ്ട് കെ ബിനുമോള്, നെൻമാറ ബ്ളോക്ക് പഞ്ചായത്ത് പ്രസിഡണ്ട് ലീലാമണി, നെല്ലിയാമ്പതി ഗ്രാമ പഞ്ചായത്ത് പ്രസിഡണ്ട് പ്രിന്സ് ജോസഫ്, പ്രിന്സിപ്പല് കൃഷി ഓഫീസര് പ്രസാദ് മാത്യു, രാഷ്ട്രീയ പാര്ട്ടി പ്രതിനിധികള്, മറ്റ് ഉദ്യോഗസ്ഥർ തുടങ്ങിയവർ പങ്കെടുക്കും.
Also Read: വഞ്ചനാക്കുറ്റം; മാണി സി കാപ്പനെതിരെ കേസെടുത്ത് കോടതി