നീലേശ്വരം: നിസാമുദ്ദീന് -എറണാകുളം സൂപ്പര് ഫാസ്റ്റ് ട്രെയിനിന്റെ നീലേശ്വരം സ്റ്റോപ്പ് പുനസ്ഥാപിച്ചു. ട്രെയിന് ഷെഡ്യൂള് പരിഷ്കരിക്കുന്നതിന്റെ ഭാഗമായി, കേരളത്തിലെ എട്ട് സ്റ്റോപ്പുകള് ദക്ഷിണ റെയില്വേ നിര്ത്തലാക്കിയിരുന്നു. കാഞ്ഞങ്ങാട്, നീലേശ്വരം, പഴയങ്ങാടി, വടകര, കൊയിലാണ്ടി, ഫറോക്ക്, പരപ്പനങ്ങാടി, കുറ്റിപ്പുറം തുടങ്ങിയ സ്റ്റോപ്പുകളാണ് കഴിഞ്ഞ വർഷം നവംബർ 30 മുതൽ ഒഴിവാക്കിയത്.
ഇതിൽ നീലേശ്വരം, വടകര സ്റ്റോപ്പുകള് പുനസ്ഥാപിച്ച് ഉത്തരവിറങ്ങി. നീലേശ്വരം സ്റ്റോപ്പ് നിലനിര്ത്തണമെന്ന ആവശ്യമുന്നയിച്ചു കേന്ദ്ര റെയില്വേ മന്ത്രിക്കും ദക്ഷിണ റെയില്വേ മാനേജര്ക്കും ഡിവൈഎഫ്ഐ നീലേശ്വരം ബ്ളോക്ക് കമ്മിറ്റി നിവേദനം നല്കിയിരുന്നു.
Read also: നീലേശ്വരത്ത് എലിപ്പനി പ്രതിരോധവുമായി ആരോഗ്യ വകുപ്പും നഗരസഭയും