മസ്‍കറ്റ്: ഒമാനില്‍ കഴിഞ്ഞ 24 മണിക്കൂറിനിടെ പുതുതായി കോവിഡ് രോഗബാധ സ്‌ഥിരീകരിച്ചത്‌ 812 പേർക്ക്. ഔദ്യോഗിക കണക്കുകൾ പ്രകാരം രാജ്യത്ത് ഇതുവരെ 207,109 കോവിഡ് കേസുകളാണ് റിപ്പോർട് ചെയ്യപ്പെട്ടത്.
അതേസമയം കഴിഞ്ഞ 24 മണിക്കൂറിനിടെ 13 പേരാണ് കോവിഡ് മൂലം മരണപ്പെട്ടതെന്നും ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് കൊവിഡ് മൂലം മരണമടഞ്ഞ എണ്ണം 2219 ആയതായി മന്ത്രാലയത്തിന്റെ വാർത്തകുറിപ്പിൽ പറയുന്നു.
നിലവിൽ ഒമാനിലെ വിവിധ ആശുപത്രികളിലായി 693 പേരാണ് ചികിൽസയിൽ കഴിയുന്നത്. ഇതിൽ 244 പേർ തീവ്ര പരിചരണ വിഭാഗത്തിലാണ്. 191,539 ആളുകളാണ് രാജ്യത്ത് ഇതുവരെ രോഗമുക്‌തി നേടിയത്.
Read Also: കോവിഡ്; വാക്‌സിനടക്കമുള്ള പ്രതിരോധ സാമഗ്രികള്‍ സ്വന്തമായി ഉൽപാദിപ്പിക്കാന്‍ തമിഴ്‌നാട്
