മസ്കറ്റ്: ഒമാനിൽ കഴിഞ്ഞ 24 മണിക്കൂറിനിടെ 2142 പേര്ക്ക് കൂടി കോവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം. ഇതോടെ രാജ്യത്ത് ഇതുവരെ റിപ്പോർട് ചെയ്യപ്പെട്ട ആകെ കോവിഡ് കേസുകളുടെ എണ്ണം 2,40,708 ആയി.
26 പേരാണ് രാജ്യത്തിന്റെ വിവിധ ഭാഗങ്ങളില് കോവിഡ് ബാധിച്ച് മരണപ്പെട്ടത്. 2591 പേര്ക്കാണ് കോവിഡ് കാരണം ഒമാനില് ജീവന് നഷ്ടമായത്. അതേസമയം 2,12,808 ആളുകൾ രാജ്യത്ത് ഇതുവരെ രോഗമുക്തി നേടിയിട്ടുണ്ട്. 88.4% ശതമാനമാണ് ഇപ്പോഴത്തെ രോഗമുക്തി നിരക്ക്.
ഒമാനിൽ കഴിഞ്ഞ 24 മണിക്കൂറിനിടെ മാത്രം 181 കോവിഡ് രോഗികളെയാണ് ആശുപത്രികളില് പ്രവേശിപ്പിച്ചത്. നിലവിൽ 1282 പേര് വിവിധ ആശുപത്രികളില് ചികിൽസയില് കഴിയുന്നുണ്ട്. ഇവരിൽ 383 പേര് തീവ്രപരിചരണ വിഭാഗങ്ങളിലാണെന്ന് ആരോഗ്യ മന്ത്രാലയം അറിയിച്ചു.
Read Also: പോസ്റ്റ് കോവിഡ് ലക്ഷണങ്ങള് ഏറെ ശ്രദ്ധിക്കണം, ചികിൽസ ശക്തിപ്പെടുത്തും; ആരോഗ്യമന്ത്രി