തിരുവനന്തപുരം: സംസ്ഥാനത്ത് 76 പേര്ക്ക് കൂടി ഒമൈക്രോൺ സ്ഥിരീകരിച്ചു. തൃശൂര് 15, പത്തനംതിട്ട 13, ആലപ്പുഴ 8, കണ്ണൂര് 8, തിരുവനന്തപുരം 6, കോട്ടയം 6, മലപ്പുറം 6, കൊല്ലം 5, കോഴിക്കോട് 4, കാസര്ഗോഡ് 2, എറണാകുളം 1, വയനാട് 1 എന്നിങ്ങനെയാണ് രോഗബാധ. തമിഴ്നാട്ടിൽ നിന്നും വന്ന ഒരാള്ക്കും ഒമൈക്രോൺ ബാധിച്ചു.
59 പേര് ലോ റിസ്ക് രാജ്യങ്ങളില് നിന്നും 7 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 9 പേര്ക്ക് സമ്പര്ക്കത്തിലൂടെയാണ് രോഗബാധ. തൃശൂര് 3, പത്തനംതിട്ട, ആലപ്പുഴ, കോട്ടയം 2 വീതം എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്. പത്തനംതിട്ടയിലെ സ്വകാര്യ നഴ്സിംഗ് കോളേജില് ഒമൈക്രോൺ ക്ളസ്റ്റര് രൂപപ്പെട്ടിട്ടുണ്ട്. വിദേശത്ത് നിന്നും എത്തിയയാളുടെ സമ്പര്ക്കത്തിലുള്ള വിദ്യാർഥിയില് നിന്നും പകര്ന്നതാണെന്ന് സംശയിക്കുന്നു.
തൃശൂരിൽ യുഎയിൽ നിന്ന് വന്നവർ 9, ഖത്തര് 2, ജര്മനി 1, പത്തനംതിട്ടയിൽ യുഎഇയിൽ നിന്ന് വന്നവർ 5, ഖത്തര് 1, കുവൈറ്റ് 1, അയര്ലാന്ഡ് 2, സ്വീഡന് 1, ആലപ്പുഴ യുഎഇ 3, സൗദി അറേബ്യ 2, ഖത്തര് 1, കണ്ണൂര് യുഎഇ 7, ഖത്തര് 1, തിരുവനന്തപുരം യുഎഇ 3, യുകെ 2, ഖത്തര് 1, കോട്ടയം യുഎഇ 3, യുകെ 1, മലപ്പുറം യുഎഇ 6, കൊല്ലം യുഎഇ 4, ഖത്തര് 1, കോഴിക്കോട് യുഎഇ 4, കാസര്ഗോഡ് യുഎഇ 2, എറണാകുളം ഖത്തര് 1, വയനാട് യുഎഇ 1 എന്നിങ്ങനെയാണ് കണക്ക്.
ഇതോടെ സംസ്ഥാനത്ത് ആകെ 421 പേര്ക്കാണ് ഒമൈക്രോൺ സ്ഥിരീകരിച്ചത്. ലോ റിസ്ക് രാജ്യങ്ങളില് നിന്ന് 290 പേരും ഹൈ റിസ്ക് രാജ്യങ്ങളില് നിന്ന് ആകെ 85 പേരും എത്തിയിട്ടുണ്ട്. ആകെ 43 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്. മറ്റ് സംസ്ഥാനങ്ങളില് നിന്നും വന്ന 3 പേരാണുള്ളത്.
Also Read: ധീരജിന്റെ കൊലപാതകം; ഗൂഢാലോചന അന്വേഷിക്കാൻ പ്രത്യേക സംഘം