വാഷിങ്ടൺ: ഹോളിവുഡ് താരവും ഈ വർഷത്തെ ഓസ്കർ ജേതാവുമായ വിൽ സ്മിത്തിന് പത്ത് വർഷം വിലക്കേർപ്പെടുത്തി ഓസ്കർ അക്കാദമി. പത്ത് വർഷം ഓസ്കർ അടക്കമുള്ള അക്കാദമിയുടെ ഒരു പരിപാടിയിലും സ്മിത്തിന് നേരിട്ടോ അല്ലാതെയോ പങ്കെടുക്കാനാകില്ല.
രണ്ടാഴ്ച മുൻപ് നടന്ന ഓസ്കർ പുരസ്കാര ചടങ്ങിൽ അവതാരകനായ ക്രിസ് റോക്കിന്റെ മുഖത്തടിച്ച സംഭവത്തിലാണ് നടപടി. ഇന്നലെ ചേർന്ന അക്കാദമിയിലെ ബോർഡ് ഓഫ് ഗവർണേഴ്സ് യോഗത്തിലായിരുന്നു തീരുമാനം. സംഭവസമയം കൃത്യമായി പ്രതികരിക്കാതിരുന്നതിന് അക്കാദമി ക്ഷമ ചോദിക്കുകയും ചെയ്തു.
ഭാര്യ ജെയ്ഡപിങ്കെറ്റ് സ്മിത്തിനെക്കുറിച്ച് ക്രിസ് റോക്ക് നടത്തിയ പരാമര്ശമാണ് വില് സ്മിത്തിനെ ചൊടിപ്പിച്ചത്. തല മൊട്ടയടിച്ച് ഓസ്കർ വേദിയിൽ എത്തിയ ജെയ്ഡയെ കുറിച്ച് മികച്ച ഡോക്യുമെന്റിക്കുള്ള പുരസ്കാരം പ്രഖ്യാപിക്കുന്ന സമയത്ത് ക്രിസ് റോക്ക് തമാശ പറഞ്ഞിരുന്നു. ജെയ്ഡ വര്ഷങ്ങളായി അലോപേഷ്യ രോഗിയാണ്. തലമുടി അപ്പാടെ കൊഴിഞ്ഞു പോവുന്ന അവസ്ഥയാണിത്.
Most Read: ജനങ്ങൾ പരസ്പരം ഹിന്ദി സംസാരിക്കണമെന്ന് അമിത് ഷാ; എതിർത്ത് പ്രതിപക്ഷം