തിരൂരങ്ങാടി: സേവനകേന്ദ്രത്തിന്റെ മറവിൽ സമാന്തര എക്‌സ്‌ചേഞ്ച് ടെലിഫോൺ നടത്തിയ 2 പേരെ പോലീസ് അറസ്‌റ്റ്‌ ചെയ്‌തു. തെന്നല അറക്കൽ കുന്നന്തറ മുഹമ്മദ് സുഹൈൽ (34), ഇയാളുടെ സഹായി ചുള്ളിപ്പാറ കൊടക്കല്ല് ചെനക്കൽ നിയാസുദ്ദീൻ(22) എന്നിവരെയാണ് പോലീസ് അറസ്‌റ്റ്‌ ചെയ്‌തത്‌. വെന്നിയൂരിലും തെന്നലയിലും ഇവർ നടത്തിയിരുന്ന മണി ട്രാൻസ്‌ഫർ സ്‌ഥാപനങ്ങളിൽ നടത്തിയ പരിശോധനയിലാണ് സമാന്തര എക്‌സ്‌ചേഞ്ച് ടെലിഫോൺ പ്രവർത്തിക്കുന്നതായി കണ്ടെത്തിയത്.
ഇവിടെനിന്ന് നൂറ്റൻപതോളം സിം കാർഡും 2 കംപ്യൂട്ടറുകളും 2 ലാപ്‌ടോപ്പും 3 സിം കാർഡ് ബോക്‌സും 6 മൊബൈൽ ഫോണും കണ്ടെത്തി. എസ്‌ഐ രാജേഷ്‌കുമാർ, സിസിപിഒമാരായ സജിനി, ഹരീഷ്, സിപിഒ ജിതിൻ, സൈബർ വിദഗ്‌ധനായ കെപി പ്രശോഭ്, ബിഎസ്‌എൻഎൽ ഡിവിഷനൽ എഞ്ചിനീയർമാരായ പിആർ സുധീഷ് എന്നിവരുടെ നേതൃത്വത്തിലാണ് പരിശോധന നടത്തിയത്. പ്രതികളെ റിമാൻഡ് ചെയ്‌തു.
Most Read: ‘സെലൻസ്‌കി’; 150 ദശലക്ഷം പഴക്കമുള്ള ഫോസിലിന് പ്രസിഡണ്ടിന്റെ പേര്
