ഭോപ്പാൽ: രാജസ്ഥാന് പിന്നാലെ പെട്രോളിന് ലിറ്ററിന് 100 രൂപ പിന്നിടുന്ന സംസ്ഥാനമായി മധ്യപ്രദേശ്. തുടർച്ചയായ 11ആം ദിവസം രാജ്യത്ത് പെട്രോൾ വില വർധിപ്പിച്ച സാഹചര്യത്തിലാണ് പെട്രോൾ വിലയിൽ മധ്യപ്രദേശ് ‘സെഞ്ച്വറി’ നേടിയത്. രാജ്യത്ത് ഏറ്റവും കൂടുതൽ ഇന്ധന നികുതി ഏർപ്പെടുത്തിയിട്ടുള്ള രാജസ്ഥാനിൽ കഴിഞ്ഞ ദിവസം തന്നെ പെട്രോൾ വില നൂറ് കടന്നിരുന്നു.
പെട്രോൾ ലിറ്ററിന് 34 പൈസയും ഡീസലിന് 32 പൈസയുമാണ് ഇന്ന് വർധിപ്പിച്ചത്. മധ്യപ്രദേശിലെ അനുപ്പൂരിൽ 100.25 രൂപയാണ് ഇന്ന് പെട്രോളിന്റെ വില. പ്രീമിയം പെട്രോളിന് ഇവിടങ്ങളിൽ നേരത്തെ തന്നെ 100 കടന്നിരുന്നു. ഈ മാസം മാത്രം പെട്രോളിന് 3.52 രൂപയാണ് വർധിച്ചത്. ഡീസലിന് 3.92 രൂപയും വർധിച്ചു.
Read also: ട്രെയിൻ തടയൽ സമരത്തിന് തുടക്കം; റെയിൽവേ സ്റ്റേഷനുകൾ കനത്ത സുരക്ഷയിൽ