ഡെൽഹി: വ്യാവസായിക നൈട്രജൻ നിർമാണ യൂണിറ്റുകൾ മെഡിക്കൽ ഓക്‌സിജൻ പ്ളാന്റുകളാക്കാമെന്ന് കേന്ദ്ര മലിനീകരണ നിയന്ത്രണ ബോർഡ്. ഇതിനായി 30 പ്ളാന്റുകൾ കണ്ടെത്തിയതായും ബോർഡ് അറിയച്ചു. ഓക്‌സിജൻ നിർമാണം നടത്താൻ കഴിയുന്ന നൈട്രജൻ പ്ളാന്റുകളെ കണ്ടെത്താനുള്ള കേന്ദ്ര സർക്കാർ നിർദ്ദേശത്തിന് പിന്നാലെയാണിത്.
കണ്ടെത്തിയ 30 പ്ളാന്റുകളിൽ ചിലത് അടുത്തുള്ള ആശുപത്രിക്കടുത്തേക്ക് മാറ്റി സ്‌ഥാപിക്കാമെന്നും, ബാക്കിയുള്ളവ അതേ സ്‌ഥലത്തു തന്നെ ഓക്‌സിജൻ ഉൽപാദനത്തിനായി ഉപയോഗിക്കാമെന്നും ബോർഡ് വ്യക്‌തമാക്കി.
എന്നാൽ ഡെൽഹിയിൽ ഇത്തരം നടപടികൾക്ക് നിർദ്ദേശം വന്നിട്ടില്ലെന്നും വന്നാലുടൻ നടപടികൾ സ്വീകരിക്കുമെന്നും ഡെൽഹി മലിനീകരണ നിയന്ത്രണ ബോർഡ് അറിയിച്ചു. അതേസമയം ഗുജറാത്തിൽ വാപി, സൂറത്ത്, അങ്കലേഷ്വർ എന്നിവിടങ്ങളിൽ മൂന്നോളം പ്ളാന്റുകളിൽ ഓക്‌സിജൻ നിർമാണം ആരംഭിച്ചതായും ഹിന്ദുസ്‌ഥാൻ ടൈംസ് റിപ്പോർട് ചെയ്യുന്നു.
Kerala News: ചൊവ്വാഴ്‌ച വരെ ജനങ്ങൾ കൂട്ടം കൂടുന്നതും പ്രകടനം നടത്തുന്നതും ഒഴിവാക്കണം; ഡിജിപി
