ഷോക്കേറ്റ് കാട്ടാന ചരിഞ്ഞു; 18 മാസം ഗർഭിണിയെന്ന് പോസ്‌റ്റുമോർട്ടം റിപ്പോർട്

By Team Member, Malabar News
elephant died in Palakkad
Representational image

പാലക്കാട് : ജില്ലയിൽ മംഗലം ഡാമിന് സമീപം കഴിഞ്ഞ ദിവസം ഷോക്കേറ്റ് ചരിഞ്ഞ കാട്ടാന 18 മാസം ഗർഭിണി ആയിരുന്നുവെന്ന് പോസ്‌റ്റുമോർട്ടം റിപ്പോർട്. കഴിഞ്ഞ വെള്ളിയാഴ്‌ചയാണ്‌ സ്വകാര്യ വ്യക്‌തിയുടെ തോട്ടത്തിൽ കാട്ടാനക്കൂട്ടം ഇറങ്ങിയത്. തുടർന്ന് വൈദ്യുതി ലൈനിലേക്ക് മറിച്ചിട്ട കവുങ്ങ് വലിച്ചെടുക്കുന്നതിനിടെ ഷോക്കേറ്റതാകാമെന്ന് അധികൃതർ വ്യക്‌തമാക്കുന്നുണ്ട്.

ഇന്നലെയോടെ വയനാട്ടിൽ നിന്നെത്തിയ അസിസ്‌റ്റന്റ് വെറ്ററിനറി സർജൻ അജീഷ് മാധവനും സംഘവുമാണ് പോസ്‌റ്റുമോർട്ടം നടത്തിയത്. പോസ്‌റ്റുമോർട്ടം നടത്തിയതിന് പിന്നാലെയാണ് 20 വയസുള്ള പിടിയാന 18 മാസം ഗർഭിണിയാണെന്ന് കണ്ടെത്തിയത്. 22 മാസം വരെയാണ് ആനകളുടെ ഗർഭകാലം. വൈദ്യുതി ലൈനിൽ നിന്നും ഷോക്കേറ്റതാണ് മരണകാരണമെന്നും, മറ്റ് അസ്വാഭാവികതകൾ ഇല്ലെന്നും അധികൃതർ വ്യക്‌തമാക്കി.

നിലവിൽ ആനയുടെ ജഡം സുരക്ഷിതമായ സ്‌ഥാനത്തേക്ക്‌ മാറ്റി മറവ് ചെയ്‌തു. പ്രദേശവാസികളുടെ ശുദ്ധജല സ്രോതസിനടുത്ത് കിടന്ന ജഡം നാട്ടുകാരുടെ അഭ്യർഥന മാനിച്ചാണ് മറ്റൊരു സ്‌ഥാനത്തേക്ക്‌ മാറ്റി മറവ് ചെയ്‌തത്‌. പാലക്കാട് ഡിഎഫ്ഒ ടിപി അനീഷ്, ആലത്തൂർ റേഞ്ചർ എൻടി സിബിൻ, മംഗലംഡാം ഡെപ്യൂട്ടി റേഞ്ചർ കെ അഭിലാഷ്, നെല്ലിയാമ്പതി വനംവകുപ്പ്, മംഗലംഡാം പോലീസ്, കെഎസ്ഇബി അധികൃതർ എന്നിവർ സ്‌ഥലത്തെത്തി പരിശോധന നടത്തിയിരുന്നു.

Read also : പണിമുടക്കിൽ പങ്കെടുത്തവർക്ക് ശമ്പളമില്ല; വിധിക്കെതിരെ സംസ്‌ഥാന സർക്കാർ സുപ്രീം കോടതിയിൽ

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE