പുതുച്ചേരി: നിയമസഭാ തിരഞ്ഞെടുപ്പ് അടുത്തിരിക്കെ പുതുച്ചേരിയിൽ കോൺഗ്രസിൽ നിന്ന് കൂട്ടരാജി. അച്ചടക്ക നടപടി നേരിട്ട സംസ്ഥാന ജനറൽ സെക്രട്ടറിയും സെക്രട്ടറിമാരും എംഎൽഎമാരും അടക്കമുള്ള 13ഓളം നേതാക്കളാണ് കോൺഗ്രസ് വിട്ട് ബിജെപിയിലേക്ക് ചേക്കേറാൻ ഒരുങ്ങുന്നത്.
2 ദിവസം മുൻപ് പൊതുമരാമത്ത് വകുപ്പ് മന്ത്രിയും മുതിർന്ന നേതാവുമായ എ നമശ്ശിവായം കോൺഗ്രസ് വിട്ട് ബിജെപിയിൽ ചേർന്നിരുന്നു. മറ്റൊരു കോൺഗ്രസ് എംഎൽഎയേയും കൂട്ടിയാണ് അദ്ദേഹം പാർട്ടി വിട്ടത്. ഇതിന് പിന്നാലെയാണ് സംസ്ഥാന ജനറൽ സെക്രട്ടറി അടക്കമുള്ള 13ഓളം നേതാക്കളെ പാർട്ടി വിരുദ്ധ നടപടികളുടെ പേരിൽ കോൺഗ്രസിൽ നിന്നും സസ്പെൻഡ് ചെയ്തത്.
മുൻ എംഎൽഎ ഇ തീപൈന്തൻ, സംസ്ഥാന ജനറൽ സെക്രട്ടറിമാരായ കെ എഗാംബരം, എവി വീരരാഘവൻ, വി കൃഷ്ണബിരൻ, സംസ്ഥാന സെക്രട്ടറിമാരായ എസ്കെ സാംബത്ത്, എസ് സാംരാജ് എന്നിവരും മറ്റു 7 പേരുമാണ് പാർട്ടി വിടുന്നത്. എ നമശ്ശിവായത്തെ പിന്തുണക്കുന്നവരാണ് ഇവർ.
Read also: അമിത് ഷാ ചെങ്കോട്ടയിലേക്ക്; സംഘർഷത്തിൽ പരിക്കേറ്റവരെ സന്ദർശിക്കും