മസ്‌ക്കറ്റ്: അടുത്ത മാസം 12ആം തീയതിയോടെ ഒമാനിലെ വിദ്യാലയങ്ങൾ തുറക്കുമെന്ന് വ്യക്‌തമാക്കി അധികൃതർ. നിലവിൽ രാജ്യത്ത് അധ്യാപകരുടെയും വിദ്യാർഥികളുടെയും വാക്‌സിനേഷൻ ഊർജിതമാക്കിയ സാഹചര്യത്തിലാണ് സ്‌കൂളുകൾ അടുത്ത മാസത്തോടെ തുറക്കാൻ തീരുമാനമായത്. കൂടാതെ രോഗവ്യാപനം ഒഴിവാക്കുന്നതിന്റെ ഭാഗമായി കർശന കോവിഡ് മാനദണ്ഡങ്ങൾ പാലിച്ചുകൊണ്ട് മാത്രമേ സ്‌കൂളുകളിൽ ക്‌ളാസുകൾ നടത്തുകയുള്ളൂ എന്നും അധികൃതർ അറിയിച്ചു.
ഓൺലൈൻ-ക്‌ളാസ് മുറി പഠനം സമന്വയിപ്പിച്ചായിരിക്കും 1 മുതൽ 6 വരെയുള്ള ക്‌ളാസുകളിലെ അധ്യയനം നടത്തുക. എന്നാൽ 20 കുട്ടികളിൽ താഴെയുള്ള ക്‌ളാസുകളിൽ എല്ലാവർക്കും സ്‌കൂളിലെത്താവുന്നതാണ്. കൂടാതെ 7 മുതൽ 11 വരെയുള്ള ക്‌ളാസുകളിലെ കുട്ടികൾക്ക് സ്‌കൂളുകളിൽ എത്താമെങ്കിലും ഒരു ക്‌ളാസിൽ 30 പേരിൽ കൂടുതൽ ഉണ്ടെങ്കിൽ ഓൺലൈൻ-ക്‌ളാസ് മുറി പഠനം സമന്വയിപ്പിച്ച് ആയിരിക്കും മുന്നോട്ട് കൊണ്ട് പോകുക. ഒപ്പം ഗ്രേഡ് 12ലുള്ള വിദ്യാർഥികൾക്കും സ്‌കൂളുകളിൽ ക്‌ളാസ് ഉണ്ടായിരിക്കും.
Read also: കോട്ടയത്ത് ബാങ്ക് ഉദ്യോഗസ്‌ഥന്‍ തീകൊളുത്തി മരിച്ച നിലയില്‍
