പെരിന്തല്മണ്ണ: സയ്യിദ് മുഹമ്മദലി ശിഹാബ് തങ്ങള് അന്തര്ദേശീയ ബന്ധങ്ങള് കാത്തു സൂക്ഷിച്ച കരുത്തനായ നായകനായിരുന്നുവെന്ന് സമസ്ത കേരള ജംഇയ്യത്തുല് ഉലമാ ജനറല് സെക്രട്ടറി പ്രൊഫ. കെ ആലിക്കുട്ടി മുസ്ലിയാര്.
അറുപതുകളില് തന്നെ വിവധ മേഖലകളില് ജ്വലിച്ചു നിന്നിരുന്ന ഒട്ടനവധി ലോകോത്തര വ്യക്തിത്വങ്ങളോട് ബന്ധപ്പെടാനും അത്തരം ബന്ധങ്ങളെ കേരളീയ സമാജത്തിന്റെ പുരോഗതിക്ക് ഉപയോഗപ്പെടുത്താനും സയ്യിദ് മുഹമ്മദലി ശിഹാബ് തങ്ങള്ക്ക് സാധിച്ചിരുന്നുവെന്നും ഇദ്ദേഹം പറഞ്ഞു.
പട്ടിക്കാട് ജാമിഅ നൂരിയ്യ അറബിയ്യയുടെ 58ആം വാര്ഷികത്തിന്റെയും 56ആം സനദ്ദാന സമ്മേളനത്തിന്റെയും ഭാഗമായി ജാമിഅ നൂരിയ്യയില് നടന്ന സയ്യിദ് മുഹമ്മദലി ശിഹാബ് തങ്ങള് അനുസ്മരണ സമ്മേളനം ഉൽഘാടനം ചെയ്ത് സംസാരിക്കുകയായിരുന്നു ആലിക്കുട്ടി മുസ്ലിയാര്.
സംസ്ഥാനത്തും പുറത്തുമായി ആയിരം കേന്ദ്രങ്ങളില് അനുസ്മരണ മൗലിദ് സദസുകൾ സംഘടിപ്പിച്ചതായും മലപ്പുറം പാലക്കാട് ജില്ലകളിൽ സുന്നി യുവജന സംഘം യൂണിറ്റ് തലങ്ങളിലും മറ്റു ജില്ലകളില് നിശ്ചിത കേന്ദ്രങ്ങളിലുമായി അനുസ്മരണ പരിപാടികള് നടന്നതായും സംഘാടകർ പറഞ്ഞു.
കോട്ടുമല മൊയ്തീൻ കുട്ടി മുസ്ലിയാര് അധ്യക്ഷത വഹിച്ചു. അബ്ദുത്തീഫ് ഫൈസി പാതിരമണ്ണ, അസ്ഗറലി ഫൈസി പട്ടിക്കാട്, ഇബ്രാഹിം ഫൈസി തിരൂര്ക്കാട്, ശിഹാബ് ഫൈസി കൂമണ്ണ, സുലൈമാന് ഫൈസി ചുങ്കത്തറ, ളിയാഉദ്ദീന് ഫൈസി മേല്മുറി, ഒടി മുസ്തഫ ഫൈസി മുടിക്കോട്, ഉമര് ഫൈസി മുടിക്കോട്, അബൂബക്കര് ഫൈസി, എടി മുഹമ്മദലി ഹാജി, ഉമറുല് ഫാറൂഖ് ഹാജി, മൂസ ഫൈസി, ശംസുദ്ദീന് ഫൈസി എന്നിവരും ചടങ്ങിൽ സംസാരിച്ചു.
Most Read: ഗവർണർക്ക് കൂടുതൽ അധികാരം നൽകുന്ന ബിൽ; രാജ്യസഭയിൽ നേരിടാനൊരുങ്ങി ആംആദ്മി