കണ്ണൂർ: നിയോജക മണ്ഡലത്തിലെ സർക്കാർ വിദ്യാഭ്യാസ സ്‌ഥാപനങ്ങളിൽ സോളാർ പവർ പ്ളാന്റ് സ്‌ഥാപിക്കുന്നത് അവസാന ഘട്ടത്തിൽ. മണ്ഡലം എംഎൽഎ കൂടിയായ മന്ത്രി രാമചന്ദ്രൻ കടന്നപ്പള്ളി 38.2 ലക്ഷം രൂപയാണ് ഇതിന് വേണ്ടി നീക്കി വെച്ചത്. ഏജൻസി ഫോർ നോൺ കൺവൻഷണൽ എനർജി ആൻഡ് റൂറൽ ടെക്‌നോളജിക്കാണ് (അനർട്ട്) പദ്ധതി നിർവഹണ ചുമതല.
ഗവ.വൊക്കേഷനൽ ഹയർ സെക്കൻഡറി സ്‌കൂൾ കണ്ണൂർ (മുനിസിപ്പൽ സ്‌കൂൾ), ഗവ.പോളിടെക്‌നിക് കോളജ് തോട്ടട, ഗവ.മിക്‌സഡ് യുപി സ്‌കൂൾ തളാപ്പ്, ഗവ.ഗേൾസ് ഹയർ സെക്കൻഡറി സ്‌കൂൾ പയ്യാമ്പലം, ഗവ.ഹയർ സെക്കൻഡറി സ്‌കൂൾ ചേലോറ, ഗവ.യുപി സ്‌കൂൾ നീർച്ചാൽ, ഗവ.യുപി സ്‌കൂൾ താവക്കര, ഗവ.ഹയർ സെക്കൻഡറി സ്‌കൂൾ കണ്ണൂർ സിറ്റി, ഗവ.എൽ‌പി സ്‌കൂൾ തായത്തെരു എന്നിവിടങ്ങളിലാണ് സോളാർ പദ്ധതി നടപ്പിലാക്കുന്നത്.
Also Read: പേരാമ്പ്ര ബൈപ്പാസ് ടെൻഡറായി; പ്രതീക്ഷയോടെ ജനങ്ങൾ
