തിരുവനന്തപുരം: കോവിഡ് മൂലം പ്രതിസന്ധി നേരിടുന്ന ടൂറിസം മേഖലയിലെ തൊഴിലാളികളെ സഹായിക്കാന് പ്രത്യേക പദ്ധതി നടപ്പാക്കുമെന്ന് മന്ത്രി പിഎ മുഹമ്മദ് റിയാസ്. ഇതിനായി റിവോള്വിംഗ് ഫണ്ട് പദ്ധതി തയ്യാറായതായി മന്ത്രി നിയമസഭയില് അറിയിച്ചു.
ടൂറിസം മേഖലയില് തൊഴില് എടുക്കുന്നവര്ക്ക് പലിശരഹിത വായ്പ നല്കുന്നതാണ് പുതിയ പദ്ധതി. ടൂറിസ്റ്റ് ടാക്സി ഡ്രൈവര്മാര്, ടൂറിസ്റ്റ് ബസ് ഡ്രൈവര്മാര്, ശിക്കാരി-ഹൗസ് ബോട്ട് ജീവനക്കാര്, ഹോട്ടല് – റെസ്റ്റൊറന്റ് ജീവനക്കാര്, കലാകാരൻമാര്, കരകൗശല വിദഗ്ധര്, ആയോധന കലാപ്രവര്ത്തകര് എന്നിവര്ക്കാണ് പദ്ധതിയിലൂടെ ആനുകൂല്യം ലഭിക്കുക.
കൂടാതെ ആയുര്വേദ സെന്ററുകള്, റെസ്റ്റൊറന്റുകള്, ഹോം സ്റ്റേകള്, അമ്യൂസ്മെന്റ് പാര്ക്ക്, അഡ്വഞ്ചര് ടൂറിസം, ഗ്രീന്ഫാം, എന്നിവയ്ക്കുള്ള അക്രഡിറ്റേഷന് ഉപാധികളില്ലാതെ ഡിസംബര് 31 വരെ പുതുക്കി നല്കുമെന്നും മന്ത്രി വ്യക്തമാക്കി.
Read Also: പിഎസ്സി റാങ്ക് ലിസ്റ്റുകളുടെ കാലാവധി നീട്ടാൻ കഴിയില്ല; മുഖ്യമന്ത്രി