ന്യൂഡെല്ഹി: കേരളത്തിലും മഹാരാഷ്ട്രയിലും കോവിഡ്- 19 കേസുകള് വര്ധിക്കുന്നതിന് പിന്നില് കൊറോണ വൈറസിന്റെ പുതിയ വകഭേദമല്ലെന്ന് അറിയിച്ച് കേന്ദ്ര സര്ക്കാര്. അതേസമയം, കോവിഡിന് കാരണമായ സാര്സ്-കൊവ്2ന്റെ രണ്ട് വകഭേദങ്ങള് ഇവിടങ്ങളിൽ കണ്ടെത്തിയിട്ടുണ്ടെന്നും നീതി ആയോഗ് അംഗം വികെ പോള് അറിയിച്ചു. വാര്ത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്.
കേരളത്തിലും മഹാരാഷ്ട്രയിലും എന്440കെ, ഇ484കെ എന്നീ വകഭേദങ്ങളാണ് കണ്ടെത്തിയത്. ഇവയില് ഒരു വകഭേദം തെലങ്കാനയിലും കണ്ടെത്തിയിട്ടുണ്ട്.
187 പേരിലാണ് രാജ്യത്ത് ഇതുവരെ യുകെ വകഭേദം കണ്ടെത്തിയത്. അതേസമയം ആറ് പേരില് ദക്ഷിണാഫ്രിക്കന് വകഭേദവും ഒരാളില് ബ്രസീല് വകഭേദവും കണ്ടെത്തിയിട്ടുണ്ട്.
Read Also: നിയന്ത്രണത്തില് ഇളവില്ല, ആര്ടിപിസിആര് ഫലം നിര്ബന്ധം; മുഖ്യമന്ത്രിയോട് കര്ണാടക ആരോഗ്യമന്ത്രി