നെല്ല് സംഭരണം ലളിതമാക്കി സപ്ലൈകോ; രജിസ്ട്രേഷനില്‍ ഇളവുകള്‍

By Staff Reporter, Malabar News
kerala image_malabar news
Representational Image
Ajwa Travels

പാലക്കാട്: നെല്ലു സംഭരണ രജിസ്‌ട്രേഷനില്‍ കൂടുതല്‍ ഇളവുകള്‍ വരുത്തി സപ്ലൈകോ. കോവിഡ് നിയന്ത്രണങ്ങളുടെ ഭാഗമായി ആണ് രജിസ്‌ട്രേഷനില്‍ ഇളവുകള്‍ ഏര്‍പ്പെടുത്തിയിരിക്കുന്നത്. ഇളവുകള്‍ വരുത്തിയതോടെ കഴിഞ്ഞ വര്‍ഷം ഒന്നാം വിളക്ക് രജിസ്റ്റര്‍ ചെയ്ത കര്‍ഷകര്‍ക്ക് വീണ്ടും രജിസ്റ്റര്‍ ചെയ്യാതെ തന്നെ ഇത്തവണ സംഭരണം നടത്താനാകും.

സംസ്ഥാനത്ത് കോവിഡ് വ്യാപന ഭീതി നിലനില്‍ക്കുന്നതിനാല്‍ കര്‍ഷകരില്‍ പലര്‍ക്കും പുറത്തുപോയി രജിസ്‌ട്രേഷന്‍ നടത്താന്‍ ബുദ്ധിമുട്ടുണ്ട്. കൂടാതെ കര്‍ഷകരില്‍ ഭൂരിഭാഗം പേരും 60 വയസ്സിന് മുകളിലുള്ളവരാണ്. ഇത്തരം സാഹചര്യങ്ങള്‍ കണക്കിലെടുത്താണ് നെല്ലു സംഭരണ നടപടി ലളിതമാക്കാന്‍ സപ്ലൈകോ തീരുമാനമെടുത്തത്.

കഴിഞ്ഞ വര്‍ഷം ഒന്നാം വിളക്ക് രജിസ്റ്റര്‍ ചെയ്തവരെല്ലാം ഇത്തവണ കൃഷിയിറക്കിയിട്ടുണ്ടോ എന്ന കാര്യം കൃഷിവകുപ്പ് ഉദ്യോഗസ്ഥര്‍ കൃത്യമായി പരിശോധിക്കും. സുഭിക്ഷ കേരളം പദ്ധതിയില്‍ നെല്‍കൃഷി ചെയ്ത കുടുംബശ്രീകള്‍ക്കും വ്യക്തികള്‍ക്കും ഗ്രൂപ്പുകള്‍ക്കും സപ്ലൈകോയില്‍ രജിസ്റ്റര്‍ ചെയ്യാന്‍ അവസരമൊരുക്കും.

പാലക്കാട് 65000 ത്തോളം കര്‍ഷകരാണ് കഴിഞ്ഞവര്‍ഷം ഒന്നാം വിളക്ക് രജിസ്റ്റര്‍ ചെയ്തത്. 1.2 ലക്ഷം മെട്രിക് ടണ്‍ നെല്ല് അന്ന് സംഭരിച്ചിരുന്നു. ഈ വര്‍ഷം സുഭിക്ഷ കേരളം പദ്ധതിയുടെയും മറ്റും ഭാഗമായി ജില്ലയില്‍ തരിശുഭൂമിയില്‍ വ്യാപകമായി കൃഷി ഇറക്കിയിരുന്നു. അതുകൊണ്ടുതന്നെ ഇത്തവണ കൂടുതല്‍ വിളവ് ലഭിക്കുമെന്നാണ് പ്രതീക്ഷിക്കുന്നത്.

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE