ന്യൂഡെൽഹി: രാജീവ് ഗാന്ധി വധക്കേസിലെ പ്രതി പേരറിവാളന്റെ പരോൾ സുപ്രീം കോടതി ഒരാഴ്‌ചത്തേക്ക് കൂടി നീട്ടിനൽകി. ആരോഗ്യ പ്രശ്‌നങ്ങളെ തുടർന്നാണ് നേരത്തെ പരോൾ അനുവദിച്ചത്. പേരറിവാളന്റെ ആശുപത്രി സന്ദർശനത്തിന് തമിഴ്‌നാട് സർക്കാർ പൊലീസ് സംരക്ഷണം നൽകും.
തമിഴ്‌നാട് ഹൈക്കോടതി അനുവദിച്ച പരോൾ കാലാവധി അവസാനിക്കാനിരിക്കെയാണ് സുപ്രീം കോടതി പരോൾ നീട്ടിനൽകിയത്. നവംബർ 23 വരെയായിരുന്നു നേരത്തെ പരോൾ അനുവദിച്ചിരുന്നത്.
പേരറിവാളന്റെ ജയിൽ മോചിപ്പിക്കാനുള്ള തമിഴ്‌നാട് സർക്കാരിന്റെ ശുപാർശയിൽ കാലത്താമസം നേരിടുന്നതിൽ സുപ്രീം കോടതി നേരത്തെ അതൃപ്‌തി പ്രകടമാക്കിയിരുന്നു. രാജീവ് ഗാന്ധി വധക്കേസിൽ ജീവപര്യന്തം തടവുശിക്ഷ അനുഭവിക്കുകയാണ് പേരറിവാളൻ.
ഇയാളുടെ ജയിൽ മോചനത്തിനായി നിരവധി പേരാണ് രംഗത്തെത്തിയിരിക്കുന്നത്. ജയിൽ മോചനത്തിന് തമിഴ്‌നാട് സർക്കാർ തീരുമാനമെടുത്ത് രണ്ടുവർഷം പിന്നിട്ടിട്ടും ഗവർണർ ഇതുവരെയും അംഗീകാരം നൽകിയിട്ടില്ല. 29 വർഷം മുൻപ് നടന്ന രാജീവ് ഗാന്ധി വധത്തിന് പിന്നിലെ ഗൂഢാലോചനയെക്കുറിച്ചുള്ള അന്വേഷണത്തിൽ പുരോഗതി ഇല്ലാത്തതിനെ തുടർന്ന് സുപ്രീം കോടതി കേസ് സിബിഐയെ ശാസിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
