കൊച്ചി: സ്പീക്കര് പി ശ്രീരാമകൃഷ്ണന് എതിരായ സ്വർണക്കടത്ത് കേസ് പ്രതി സ്വപ്നാ സുരേഷിന്റെയുടെ രഹസ്യ മൊഴി പുറത്ത്. സ്പീക്കർ വിദേശത്ത് വിദ്യാഭ്യാസ സ്ഥാപനം തുടങ്ങാന് പദ്ധതിയിട്ടെന്നാണ് സ്വപ്ന സുരേഷിന്റെ മൊഴി. ഒമാന് മിഡില് ഈസ്റ്റ് കോളേജിന്റെ ശാഖ ഷാര്ജയില് ആരംഭിക്കാന് പദ്ധതിയിട്ടെന്നാണ് മൊഴി.
ഇഡി ഹൈക്കോടതിയില് നല്കിയ ഹരജിക്കൊപ്പം സമര്പ്പിച്ച സ്വപ്നയുടെ മൊഴിയിലാണ് ഇക്കാര്യങ്ങള് പറയുന്നത്. മിഡില് ഈസ്റ്റ് കോളേജിന്റെ ശാഖ ഷാര്ജയില് ആരംഭിക്കാനായിരുന്നു സ്പീക്കറുടെ നീക്കം. സ്ഥാപനത്തിന് സൗജന്യമായി ഭൂമി ലഭിക്കാന് ഷാര്ജ ഭരണാധികാരിയുമായി സ്പീക്കര് തിരുവനന്തപുരത്ത് വെച്ച് കൂടിക്കാഴ്ച നടത്തി.
ഈ കൂടിക്കാഴ്ചയില് ഭൂമി നല്കാമെന്ന് വാക്കാല് ഉറപ്പുകിട്ടിയെന്നും സ്വപ്നയുടെ മൊഴിയിലുണ്ട്. സ്വപ്നയും ശിവശങ്കറും തമ്മിലുള്ള വാട്സാപ്പ് ചാറ്റ് അടിസ്ഥാനമാക്കി നടത്തിയ ചോദ്യം ചെയ്യലില് സ്വപ്ന പറഞ്ഞ കാര്യങ്ങളാണ് ഇഡി ഹൈക്കോടതിയില് സമര്പ്പിച്ചിരിക്കുന്നത്.
Read Also: ‘കോണ്ഗ്രസിന്റെ പ്രസക്തി നഷ്ടപ്പെട്ടു’; പാര്ട്ടി വിടാനൊരുങ്ങി സുരേഷ് ബാബുവും