അബുദാബി: ടി-20 ലോകകപ്പിലെ നിർണായക മൽസരത്തിൽ ന്യൂസിലൻഡ് ഇന്ന് അഫ്ഗാനിസ്ഥാനെ നേരിടും. മൽസരഫലം ഇന്ത്യയുടെ സെമി സാധ്യതകളെയും നിർണയിക്കും. ഉച്ചകഴിഞ്ഞ് 3.30ന് അബുദാബിയിലാണ് മൽസരം. കോലിയുടെയും സംഘത്തിന്റെയും തലവര നിർണയിക്കുന്ന കളിയിൽ കരുത്തരായ ന്യൂസിലൻഡിനെ അട്ടിമറിക്കാൻ അഫ്ഗാന് കഴിയുമോ എന്നതാണ് ഇന്ത്യൻ ആരാധകർ ഉറ്റുനോക്കുന്നത്.
അതേസമയം, സെമി ഉറപ്പിക്കാനുള്ള ന്യൂസിലൻഡിന്റെ അവസാന കടമ്പയാണ് അഫ്ഗാനെതിരായ മൽസരം. ജയം നേടി ഗ്രൂപ്പിൽ രണ്ടാമതായി സെമിയിലെത്താനാണ് ന്യൂസിലൻഡ് ലക്ഷ്യം.
മുൻനിര താരങ്ങളുടെ മികച്ച ഫോമാണ് ന്യൂസിലൻഡിന് ആത്മ വിശ്വാസം നൽകുന്ന ഘടകം. കെയ്ൻ വില്യംസണിന്റെ കീഴിൽ മികച്ച ഒത്തിണക്കത്തോടെ ടീം മുന്നോട്ട് പോവുന്നുണ്ട്. എന്നാൽ ഏത് വമ്പൻമാരെയും തറപറ്റിക്കാൻ കഴിവുള്ള സംഘമാണ് അഫ്ഗാൻ എന്നതാണ് ഇന്ത്യക്ക് പ്രതീക്ഷ നൽകുന്ന ഘടകം.
Read Also: മോഹൻലാൽ ‘ബർമുഡ’ സിനിമയിലെ തന്റെ പാട്ടിനെ കുറിച്ച് പറയുന്നു