മസ്‌കറ്റ്: ഇന്ത്യക്കാര്‍ക്ക് ഒമാനില്‍ പ്രവേശിക്കുന്നതിന് നിലവിലുണ്ടായിരുന്ന വിലക്ക് പിന്‍വലിച്ചു. ഇന്ത്യ, പാകിസ്‌ഥാന്‍, ബംഗ്ളാദേശ് എന്നിവ ഉള്‍പ്പെടെ 18 രാജ്യങ്ങളില്‍ നിന്നുള്ള രണ്ട് ഡോസ് വാക്‌സിനെടുത്ത ആളുകൾക്ക് ഒമാനിലേക്ക് പ്രവേശിക്കാമെന്ന് സിവില്‍ ഏവിയേഷന്‍ അതോറിറ്റി തിങ്കളാഴ്‌ച പുറത്തിറക്കിയ അറിയിപ്പില്‍ പറയുന്നു. സെപ്റ്റംബർ ഒന്ന് മുതലായിരിക്കും പ്രവേശനം അനുവദിക്കുക.
അതേസമയം, ഒമാനിൽ വാക്‌സിനേഷൻ പുരോഗമിക്കുന്ന സാഹചര്യത്തിൽ കൂടുതൽ ഇളവുകളുമായി ഭരണകൂടം രംഗത്ത് വരികയാണ്. ഇതിന്റെ ഭാഗമായി അടുത്ത മാസം 12ആം തീയതിയോടെ ഒമാനിലെ വിദ്യാലയങ്ങൾ തുറക്കുമെന്ന് അധികൃതർ വ്യക്‌തമാക്കി. കർശന കോവിഡ് മാനദണ്ഡങ്ങൾ പാലിച്ചുകൊണ്ട് മാത്രമായിരിക്കും സ്‌കൂളുകളുടെ പ്രവർത്തനം നടത്തുകയെന്നും അധികൃതർ അറിയിച്ചിരുന്നു.
Read Also: ജാതി പറയരുതെന്ന് ശ്രീനാരായണ ഗുരു പറഞ്ഞിട്ടില്ല; വെള്ളാപ്പള്ളി നടേശൻ
