കോട്ടയം: കോട്ടയത്ത് ചപ്പുചവറുകൾ കത്തിക്കുന്നതിനിടെ വസ്ത്രത്തിൽ തീ പടർന്നുപിടിച്ച് പൊള്ളലേറ്റ യുവതി മരിച്ചു. നെടുംകുന്നം പുതുപ്പള്ളിപ്പടവ് തൊട്ടിക്കൽ സിനോജിന്റെ ഭാര്യ കെപി പ്രതിഭ (36)യാണ് മരിച്ചത്. ഇന്നലെ വൈകിട്ട് 6.15നായിരുന്നു സംഭവം.
വീടിനു സമീപത്തു ചപ്പുചവറുകളും കരിയിലകളും കൂട്ടിയിട്ടു കത്തിക്കുന്നതിനിടെ പ്രതിഭയുടെ വസ്ത്രത്തിലേക്കു തീ പടർന്നു പിടിക്കുകയായിരുന്നു. തീപിടിച്ചതോടെ പ്രതിഭ സമീപത്തെ ശുചിമുറിയിൽ കയറിയെങ്കിലും അവിടെ വെള്ളം ഇല്ലായിരുന്നു. പിന്നീട് കരച്ചിൽ കേട്ട് ഓടിയെത്തിയ നാട്ടുകാരാണു തീയണച്ചത്.
ഉടൻ കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റുമോർട്ടത്തിനു ശേഷം ബന്ധുക്കൾക്കു വിട്ടു നൽകും.
Kerala News: വിദേശ മോഷണ സംഘം പിടിയില്