തിരുവനന്തപുരം: യൂത്ത് കോണ്‍ഗ്രസ് തിരുവനന്തപുരം ജില്ലാ സെക്രട്ടറി എം. മിഥുന്‍ ബി.ജെ.പി.യില്‍ ചേര്‍ന്നു. ബി.ജെ.പി. സംസ്ഥാന കാര്യാലയമായ മാരാര്‍ജി ഭവനില്‍ നടന്ന ചടങ്ങില്‍ ബിജെപി നേതാക്കള്‍ മുന്‍ യൂത്ത് കോണ്‍ഗ്രസ് നേതാവിനെ കാവി ഷാള്‍ അണിയിച്ച് സ്വീകരിച്ചു. ജില്ലാ അധ്യക്ഷന്‍ വി.വി. രാജേഷ് ഉള്‍പ്പെടെയുള്ള നോതാക്കള്‍ ചേര്‍ന്നാണ് മിഥുനെ സ്വീകരിച്ചത്.
ചിറയിന്‍കീഴ് നിയോജക മണ്ഡലത്തിലെ മുദാക്കല്‍ സ്വദേശിയായ മിഥുന്‍ ബി.ജെ.പി.യില്‍ ചേര്‍ന്ന വിവരം വി.വി. രാജേഷാണ് പുറത്ത് വിട്ടത്. ഫേസ്ബുക്കിലൂടെയാണ് ജില്ലാ അധ്യക്ഷന്‍ ഇക്കാര്യം അറിയിച്ചത്.
മിഥുനെതിരെ സ്‌ത്രീ വിഷയവുമായി ബന്ധപ്പെട്ട് പരാതി ലഭിച്ചതിനെ തുടര്‍ന്ന് ഇയാളെ വ്യാഴാഴ്‌ച പാര്‍ട്ടിയില്‍ നിന്നും സസ്‌പെന്‍ഡ് ചെയ്‌തിരുന്നതായി യൂത്ത് കോണ്‍ഗ്രസ് നേതൃത്വം പറഞ്ഞു.
എന്നാല്‍ കോണ്‍ഗ്രസിന്റെ അവസാര വാദ രാഷ്‌ട്രീയത്തിലും സ്വജന പക്ഷപാതത്തിലും പ്രതിഷേധിച്ചാണ് മിഥുന്‍ ബിജെപിയുമായി ചേര്‍ന്ന് പ്രവര്‍ത്തിക്കാന്‍ തീരുമാനിച്ചതെന്ന് ബിജെപി തിരുവനന്തപുരം ജില്ലാ നേതൃത്വം പ്രതികരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
