മസ്‌കറ്റ്: ഒമാനില്‍ കോവിഡ് ബാധിച്ച് മൂന്നു മലയാളികള്‍ മരിച്ചു. മലപ്പുറം വളാഞ്ചേരി വലിയകുന്ന് സ്വദേശി പതിയാന്‍ പറമ്പില്‍ സാബിത്, തൃശൂര്‍ പറവട്ടാണി സ്വദേശി എടപ്പാറ വീട്ടില്‍ വില്‍സണ്‍ മൈക്കിള്‍, മലപ്പുറം പെരിന്തല്‍മണ്ണ താഴേക്കോട് സ്വദേശി കൊളച്ചാലി അബൂബക്കര്‍ എന്നിവരാണ് മരണപ്പെട്ടത്.
സുവൈകില്‍ ദോസ്‌തീൻ സൂപ്പര്‍ മാര്‍ക്കറ്റിലെ ജീവനക്കാരനായിരുന്നു സാബിത്. കഴിഞ്ഞ 25 വര്‍ഷമായി ഒമാനില്‍ ഹെവി ഡ്രൈവറായി ജോലി ചെയ്‌ത്‌ വരുകയായിരുന്നു വില്‍സണ്‍ മൈക്കിള്‍. അല്‍ കൗസര്‍ വാട്ടര്‍ കമ്പനിയിലാണ് അബൂബക്കര്‍ ജോലി ചെയ്‌തിരുന്നത്‌.
ഒമാനിൽ ഇതുവരെ 2.71 ലക്ഷത്തിലേറെ ആളുകൾക്കാണ് കോവിഡ് സ്‌ഥിരീകരിച്ചത്‌. 2.37 ലക്ഷം ആളുകൾ രോഗമുക്‌തി നേടിയപ്പോൾ കോവിഡ് മൂലം ജീവൻ നഷ്‌ടമായവരുടെ എണ്ണം 3,140 ആണ്.
Most Read: കോവിഡ് ബാധിച്ച് മരിച്ചവരുടെ പേരുവിവരങ്ങൾ പ്രസിദ്ധീകരിച്ച് തുടങ്ങി
