തിരുവനന്തപുരം: സംസ്‌ഥാനത്ത്‌ കോവിഡ് ബാധിച്ച് മരിച്ചവരുടെ പേരുവിവരങ്ങൾ പ്രസിദ്ധീകരിച്ച് തുടങ്ങി. ഇന്നത്തെ കോവിഡ് ബുള്ളറ്റിൻ മുതലാണ് പുതിയ ക്രമീകരണം. കോവിഡ് ബാധിച്ച് മരിച്ചയാളുടെ വയസും സ്‌ഥലവുമാണ് ബുള്ളറ്റിനിൽ ഉൾപ്പടുത്തിയിരിക്കുന്നത്.
കോവിഡ് ബാധിച്ച് മരിച്ചവരുടെ പേരും വയസും സ്‌ഥലവും ജില്ലാടിസ്‌ഥാനത്തിലാണ് ഡിഎച്ച്എസ് വെബ്സൈറ്റിൽ നൽകുക. കോവിഡ് ബാധിതരാകുന്നവരുടെയും മരിക്കുന്നവരുടെയും പേരുവിവരം സ്വകാര്യത പരിഗണിച്ച് തുടക്കം മുതൽ പുറത്തുവിട്ടിരുന്നില്ല.
കോവിഡ് മരണം കൂടിയ സാഹചര്യത്തിൽ മരിച്ചയാൾ കോവിഡ് പട്ടികയിലാണോ എന്ന് ഉറപ്പുവരുത്താൻ ബന്ധുക്കൾക്കു പോലും സാധിക്കുന്നില്ലെന്ന് പരാതികൾ ഉയർന്നിരുന്നു. ഇതിനെച്ചൊല്ലി വലിയ വിവാദങ്ങളുയർന്ന സാഹചര്യത്തിലാണ് പേരുവിവരങ്ങൾ പ്രസിദ്ധീകരിക്കാൻ സർക്കാർ തീരുമാനിച്ചത്.
Also Read: ടിപി കേസ് പ്രതികളുടെ വീട്ടില്‍ കസ്‌റ്റംസ് തെളിവെടുപ്പ്
