കോഴിക്കോട്: വിദ്യാർഥിയെ പീഡിപ്പിച്ചെന്ന പരാതിയിൽ കായികാധ്യാപകൻ അറസ്‌റ്റിൽ. കോടഞ്ചേരി സ്വദേശി വിടി മനീഷിനെയാണ് താമരശ്ശേരി പോലീസ് അറസ്‌റ്റ് ചെയ്‌തത്‌. കട്ടിപ്പാറയിലെ സ്വകാര്യ സ്‌കൂളിൽ പഠിക്കുന്ന വിദ്യാർഥിനിയാണ് അധ്യാപകനെതിരെ പീഡന പരാതിയുമായി പോലീസിനെ സമീപിച്ചത്.
വയനാട് സ്വദേശിനിയുടെ പരാതിയുടെ അടിസ്‌ഥാനത്തിലാണ്‌ അധ്യാപകൻ അറസ്‌റ്റിലായത്‌. വിദ്യാർഥിനി കായിക താരം കൂടിയാണ്. അതേസമയം, അധ്യാപകനെതിരെ പീഡന പരാതിയുമായി കൂടുതൽ വിദ്യാർഥികൾ രംഗത്തെത്തിയിട്ടുണ്ട്.
നെല്ലിപ്പൊയിലിലെ സ്‌കൂളിൽ കായിക അധ്യാപകനായിരിക്കെ കായിക താരമായ വിദ്യാർഥിനിയെ പീഡിപ്പിച്ചതിന് ഇയാൾക്കെതിരെ നേരത്തേയും പോലീസ് കേസുണ്ടായിരുന്നു. പിന്നീടാണ് ഇയാളെ താമരശ്ശേരി രൂപയുടെ ഉടമസ്‌ഥതയിലുള്ള കോടഞ്ചേരി സ്‌കൂളിൽ നിയമിച്ചത്.
അധ്യാപകനെതിരെ ലഭിച്ച കൂടുതൽ പരാതികളുടെ അടിസ്‌ഥാനത്തിൽ ഇയാൾക്കെതിരെയുള്ള അന്വേഷണം കർശനമാക്കി, ശിക്ഷാ നടപടികൾ സ്വീകരിക്കുമെന്ന് താമരശ്ശേരി പോലീസ് പറഞ്ഞു.
Read Also: കൊച്ചിയിൽ സ്‍ത്രീധന പീഡനം; യുവതിക്കും പിതാവിനും ക്രൂര മർദനമേറ്റു
