മലപ്പുറം: ഹോട്ടലിൽ നിന്ന് ഓർഡർ ചെയ്‌ത ബിരിയാണിയിൽ നിന്ന് വേവിക്കാത്ത കോഴിത്തല ലഭിച്ചതായി പരാതി. മലപ്പുറം ജില്ലയിലെ തിരൂർ ഏഴൂർ സ്വദേശിനി പ്രതിഭക്കാണ് ഓർഡർ ചെയ്‌ത ബിരിയാണിയിൽ നിന്ന് കോഴിത്തല കിട്ടിയത്. സംഭവത്തിൽ യുവതി ഭക്ഷ്യസുരക്ഷാ വകുപ്പിൽ പരാതി നൽകി. മുത്തൂരിലെ ഒരു ഹോട്ടലിൽ നിന്നാണ് യുവതി ഇന്ന് വീട്ടിലേക്ക് നാല് ബിരിയാണി ഓർഡർ ചെയ്‌തത്‌.
പാഴ്‌സലായി വന്ന ബിരിയാണി പാക്കറ്റിൽ ഒന്ന് തുറന്നു നോക്കിയപ്പോഴാണ് അതിൽ നിന്നും വേവിക്കാത്ത കോഴിത്തല ലഭിച്ചത്. വൃത്തിയാക്കുകയോ വേവിക്കുകയോ ചെയത നിലയിലായിരുന്നു കോഴിത്തല ബിരിയാണിയിൽ കിടന്നിരുന്നതെന്ന് യുവതി പറയുന്നു. തുടർന്ന് പ്രതിഭ ഭക്ഷ്യസുരക്ഷാ വകുപ്പിൽ പരാതി നൽകുകയായിരുന്നു. ഭക്ഷ്യസുരക്ഷാ വകുപ്പ് അന്വേഷണം ആരംഭിച്ചിട്ടുണ്ട്.
Most Read| ‘ഗാസയിൽ അണുബോംബ് വർഷിക്കാൻ സാധ്യത’; പ്രസ്‌താവനക്ക് പിന്നാലെ മന്ത്രിക്ക് സസ്‌പെൻഷൻ
