തിരുവനന്തപുരം: സംസ്‌ഥാന സർക്കാരിനെതിരെ രൂക്ഷവിമർശനവുമായി യൂത്ത് കോൺഗ്രസ് സംസ്‌ഥാന പ്രസിഡണ്ട് രാഹുൽ മാങ്കൂട്ടത്തിൽ. സംസ്‌ഥാനത്ത്‌ അപ്രഖ്യാപിത അടിയന്തരാവസ്‌ഥ ആണെന്ന് രാഹുൽ വിമർശിച്ചു. നവകേരള സദസ് എന്ന ധൂർത്ത് ബസ് കൊണ്ട് സംസ്‌ഥാനത്തിന് എന്താണ് ഗുണമായുണ്ടായതെന്ന് സർക്കാർ വ്യക്‌തമാക്കണമെന്നും രാഹുൽ മാങ്കൂട്ടത്തിൽ ആവശ്യപ്പെട്ടു.
തിരുവനന്തപുരത്ത് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. ചെറിയ എതിർ ശബ്‌ദങ്ങളെ ക്രൂരമായി അടിച്ചമർത്തുന്നതിനെ അപ്രഖ്യാപിത അടിയന്തരാവസ്‌ഥ എന്നല്ലാതെ മറ്റെന്താണ് പറയുകയെന്നും രാഹുൽ ചോദിച്ചു. നവകേരള സദസ് എന്നൊരു ധൂർത്ത് ബസ് ഓടിക്കുന്നതിനാണ് സർക്കാർ ഇതെല്ലാം ചെയ്യുന്നത്. നവകേരള സദസ് കൊണ്ട് പൊതുസമൂഹം എന്ത് നേടിയെന്നത് വ്യക്‌തമാക്കാൻ സർക്കാർ തയ്യാറാകണമെന്നും രാഹുൽ ആവശ്യപ്പെട്ടു.
എനിക്കെതിരെ ചുമത്തിയിരിക്കുന്ന വിവിധ വകുപ്പുകൾ പ്രകാരം പത്ത് വർഷം കഠിന തടവിന് വിധിച്ചാൽ പോലും ഈ സമരത്തിൽ നിന്ന് യൂത്ത് കോൺഗ്രസ് പിൻമാറില്ല. കേരളത്തെ ഈ സർക്കാരിൽ നിന്ന് മോചിപ്പിക്കാനുള്ള ദൗത്യം യൂത്ത് കോൺഗ്രസ് ഏറ്റെടുക്കുകയാണ്. പിണറായി സർക്കാരിന്റെ ഒടുക്കത്തിന്റെ തുടക്കം ഇവിടെ നിന്നാരംഭിക്കും. പൊതുപ്രവർത്തകൻ എന്ന നിലയിൽ തനിക്കെതിരായുള്ള ആരോപണം എംവി ഗോവിന്ദൻ തെളിയിക്കണം. അതിനായി വക്കീൽ നോട്ടീസ് അയച്ചിട്ടുണ്ടെന്നും രാഹുൽ മാങ്കൂട്ടത്തിൽ കൂട്ടിച്ചേർത്തു.
സെക്രട്ടറിയേറ്റ് മാർച്ചുമായി ബന്ധപ്പെട്ടുള്ള പ്രധാനപ്പെട്ട നാല് പ്രധാന കേസുകളിൽ രാഹുലിന് ഇന്നലെയാണ് കോടതി ജാമ്യം അനുവദിച്ചത്. ഇതോടെ എട്ടു ദിവസത്തെ ജയിൽവാസത്തിന് ശേഷം രാഹുൽ ഇന്നലെ പുറത്തിറങ്ങി. ഡിജിപി ഓഫീസ് മാർച്ചുമായി ബന്ധപ്പെട്ട കേസ് സിജെഎം കോടതിയും സെക്രട്ടറിയേറ്റ് മാർച്ചുമായി ബന്ധപ്പെട്ട കേസ് ജില്ലാ സെഷൻസ് കോടതിയുമാണ് പരിഗണിച്ചത്. ഉപാധികളോടെയാണ് കോടതികൾ ജാമ്യം അനുവദിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
