തിരുവനന്തപുരം: തിരഞ്ഞെടുപ്പിൽ മൽസരിക്കണമോ എന്നത് യുഡിഫ് ആണ് തീരുമാനിക്കുന്നതെന്ന് മുന്‍ പൊതുമരാമത്ത് വകുപ്പ് മന്ത്രി വികെ ഇബ്രാഹിം കുഞ്ഞ്. പാര്‍ട്ടി പറഞ്ഞാല്‍ മൽസരിക്കും, താന്‍ മൽസരിച്ചാല്‍ യുഡിഎഫിന് ബാധ്യതയാവില്ലെന്നും ഇബ്രാഹിം കുഞ്ഞ് പറഞ്ഞു.
അതേസമയം പാര്‍ട്ടി പറഞ്ഞാല്‍ മൽസര രംഗത്ത് നിന്ന് മാറി നില്‍ക്കുമെന്നും അദ്ദേഹം വ്യക്‌തമാക്കി. തന്റെ അറസ്‌റ്റ് രാഷ്‌ട്രീയ പ്രേരിതമാണെന്ന് അദ്ദേഹം ആരോപിച്ചു. ഒരു സര്‍ക്കാരും ഒരു സ്‌റ്റേഷന്‍ ഹൗസ് ഓഫീസറും വിചാരിച്ചാല്‍ ആരേയും അറസ്‌റ്റ് ചെയ്യാമെന്നും ഇബ്രാഹിം കുഞ്ഞ് പറഞ്ഞു. പാലാരിവട്ടം പാലം അഴിമതി കേസിലാണ് മുന്‍ പൊതുമരാമത്ത് വകുപ്പ് മന്ത്രി വികെ ഇബ്രാഹിം കുഞ്ഞ് അറസ്‍റ്റിലായത്.
Read Also: വൈറസ് വ്യാപനം നിയന്ത്രിക്കാൻ കർശന നടപടികൾ ആവശ്യം; നിർദ്ദേശങ്ങളുമായി ഐഎംഎ
