കോടഞ്ചേരിയിൽ ഭാര്യയെയും ഭാര്യാമാതാവിനെയും വെട്ടിപരിക്കേൽപ്പിച്ചു; പ്രതി ഒളിവിൽ

കോടഞ്ചേരി പാറമല സ്വദേശി ഷിബുവാണ് ആക്രമണത്തിന് പിന്നിൽ. ഭാര്യ ബിന്ദു (46), ഭാര്യാ മാതാവ് ഉണ്ണിമാതാ (69) എന്നിവരെയാണ് വെട്ടിപ്പരിക്കേൽപ്പിച്ചത്.

By Trainee Reporter, Malabar News
Man attack his wife and mother in low
പരിക്കേറ്റ് ചികിൽസയിലുള്ളവർ
Ajwa Travels

കോഴിക്കോട്: ജില്ലയിലെ കോടഞ്ചേരിയിൽ കുടുംബ വഴക്കിനെ തുടർന്ന് ഭാര്യയെയും ഭാര്യാ മാതാവിനെയും മധ്യവയസ്‌കൻ വെട്ടിപ്പരിക്കേൽപിച്ചു. കോടഞ്ചേരി പാറമല സ്വദേശി ഷിബുവാണ് ആക്രമണത്തിന് പിന്നിൽ. ഭാര്യ ബിന്ദു (46), ഭാര്യാ മാതാവ് ഉണ്ണിമാതാ (69) എന്നിവരെയാണ് വെട്ടിപ്പരിക്കേൽപ്പിച്ചത്. അക്രമം നടത്തിയ ശേഷം ഒളിവിൽ പോയ ഷിബുവിനായി(52) പോലീസ് തിരച്ചിൽ തുടങ്ങിയിട്ടുണ്ട്. ഇന്ന് രാവിലെ ആറുമണിയോടെയാണ് സംഭവം.

ബിന്ദുവിന് തലയ്‌ക്കും കൈക്കും തോളിലുമാണ് പരിക്കേറ്റത്. പരിക്ക് ഗുരുതരമാണ്. അക്രമം തടയാനെത്തിയ ഉണ്ണിമാതയുടെ ഒരു കൈവിരൽ അറ്റുപോയി. ഇരുവരും കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിലാണ്. രണ്ടു വർഷമായി കുടുംബ വഴക്കിനെ തുടർന്ന് ഷിബു ഭാര്യയുമായി വേർപിരിഞ്ഞു കഴിയുകയാണ്. ഇന്ന് രാവിലെ വീടിന് സമീപം ഒളിച്ചിരുന്നതിന് ശേഷമാണ് ഷിബു ആക്രമണം നടത്തിയത്.

രാവിലെ പുറത്തിറങ്ങിയ ബിന്ദുവിനെ ഷിബു കൊടുവാൾ കൊണ്ട് വെട്ടിപ്പരിക്കേൽപ്പിക്കുക ആയിരുന്നു. ബിന്ദുവിന്റെ കരച്ചിൽ കേട്ട് പുറത്തേക്ക് ഓടിവന്ന അമ്മയെയും ഇയാൾ ആക്രമിച്ചു. ബഹളം കേട്ട് ഓടിവന്ന ഇരുവരുടെയും മക്കൾ പുറത്തിറങ്ങി വന്നപ്പോഴേക്കും ഷിബു ഓടിരക്ഷപ്പെട്ടിരുന്നു. ഒളിവിലുള്ള ഷിബുവിനായി പോലീസ് തിരച്ചിൽ ആരംഭിച്ചിട്ടുണ്ട്. കുടുംബ വഴക്കിനെ തുടർന്നുള്ള പകയാണ് ഇയാളെ ക്രൂരകൃത്യത്തിന് പ്രേരിപ്പിച്ചതെന്നാണ് പുറത്തുവരുന്ന വിവരം.

Most Read| കരുവന്നൂർ തട്ടിപ്പ് കേസ്; എംകെ കണ്ണന് ഇഡി നോട്ടീസ്- സ്വത്തുവിവരങ്ങൾ ഹാജരാക്കണം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE