വയനാട്: വയനാട്ടിൽ കാട്ടാനയുടെ ആക്രമണത്തിൽ 58-കാരൻ കൊല്ലപ്പെട്ടു. കൽപ്പറ്റ മേപ്പാടി എളമ്പളേരിയിലാണ് ആക്രമണം ഉണ്ടായത്. ചോലമല സ്വദേശി കുഞ്ഞാവറാൻ (58) ആണ് മരിച്ചത്. ഇദ്ദേഹം തോട്ടം തൊഴിലാളിയാണ്. ഇന്ന് രാവിലെ ജോലിക്ക് പോകവേ എളമ്പളേരി ട്രാൻസ്‌ഫോർമറിനു സമീപത്ത് വെച്ചായിരുന്നു കാട്ടാനയുടെ ആക്രമണം.
ഏലത്തോട്ടങ്ങൾ ധാരാളമുള്ള സ്‌ഥലമാണ്‌ ഇത്. കുറെ നാളുകൾക്കായി പ്രദേശത്ത് കാട്ടാനയുടെ ശല്യം സ്‌ഥിരമായിരുന്നു. രാവിലെ ഏഴ് മണിക്കും 7.30നും ഇടയിൽ ജോലിക്ക് പോകുന്നതിനിടെയാണ് വഴിയോരത്ത് വെച്ച് കാട്ടാന ആക്രമിച്ചത്. ജില്ലയിൽ മൂന്ന് മാസത്തിനുള്ളിലെ മൂന്നാമത്തെ കാട്ടാന ആക്രമണത്തിലെ മരണമാണ് ഇത്.
ഒക്‌ടോബർ മൂന്നിന് കാട്ടാനയുടെ ആക്രമണത്തിൽ പരിക്കേറ്റ് ചികിൽസയിലായിരുന്നു പുൽപ്പള്ളി ആനപ്പാറ കോളനിയിലെ കുള്ളൻ കഴിഞ്ഞ ദിവസം മരിച്ചിരുന്നു. സെപ്‌തംബർ 12ന് വെള്ളമുണ്ട പുളിഞ്ഞാലിൽ ചിറപ്പുല്ല് മലയിലെ വനംവകുപ്പ് വാച്ചർ തങ്കച്ചൻ മരിച്ചിരുന്നു.
Most Read| ‘വെടിനിർത്തൽ ഇല്ല’; ഗാസയിൽ ആംബുലൻസിന് നേരെയും ഇസ്രയേൽ ആക്രമണം
