ബ്രസീൽ: ലോകകപ്പ് യോഗ്യതാ മൽസരത്തിൽ ജയത്തോടെ മുന്നോട്ട് കുതിച്ച് ബ്രസീലും അർജന്റീനയും. അർജന്റീന പെറുവിനെതിരെയും ബ്രസീൽ യുറുഗ്വായ്ക്ക് എതിരെയുമാണ് ജയം സ്വന്തമാക്കിയത്.
എതിരില്ലാത്ത ഒരു ഗോളിനാണ് അർജന്റീന പെറുവിനെ തകർത്തത്. അതേസമയം ബ്രസീൽ ഒന്നിനെതിരെ നാലുഗോളുകൾക്ക് യുറുഗ്വായെ തോൽപ്പിച്ചു.
പെറുവിനെതിരെ ലൗത്താരോ മാർട്ടിനസാണ് അർജന്റീനയുടെ വിജയഗോൾ നേടിയത്. ബ്രസീലിനായി റഫീന്യ രണ്ടും നെയ്മർ, ബർബോസ എന്നിവർ ഓരോ ഗോളുകളും നേടി. സുവാരസാണ് യുറുഗ്വായുടെ ആശ്വാസ ഗോൾ നേടിയത്. 12 മൽസരങ്ങളിൽ നിന്ന് 16 പോയിന്റുള്ള യുറുഗ്വായ് നിലവിൽ അഞ്ചാം സ്ഥാനത്താണ്.
പതിനൊന്ന് മൽസരങ്ങളിൽ നിന്ന് 31 പോയിന്റുമായി ബ്രസീൽ പട്ടികയിൽ ഒന്നാം സ്ഥാനത്ത് നിലയുറപ്പിച്ചു. അത്രതന്നെ മൽസരങ്ങളിൽ നിന്ന് 25 പോയിന്റുമായി അർജന്റീന രണ്ടാം സ്ഥാനത്തുമുണ്ട്.
Most Read: മഴ മൂലം വൈദ്യുതി ഉപഭോഗം കുറഞ്ഞു; കേരളത്തിൽ ലോഡ്ഷെഡിംഗ് ഉണ്ടായേക്കില്ല