തിരുവനന്തപുരം: സംസ്ഥാനത്ത് ഒരാള്ക്ക് കൂടി സിക വൈറസ് രോഗം സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. തിരുവനന്തപുരം ഉച്ചക്കട കുളത്തൂര് സ്വദേശിനിയായ 49കാരിക്കാണ് വൈറസ് ബാധ സ്ഥിരീകരിച്ചത്.
തിരുവനന്തപുരം മെഡിക്കല് കോളേജ് വൈറോളജി ലാബില് നടത്തിയ പരിശോധനയിലാണ് സിക വൈറസ് സ്ഥിരീകരിച്ചതെന്ന് മന്ത്രി പറഞ്ഞു.
ഇതോടെ സംസ്ഥാനത്ത് ഇതുവരെ സിക രോഗബാധ സ്ഥിരീകരിച്ചവരുടെ എണ്ണം 38 ആയി. 8 പേരാണ് നിലവില് രോഗികളായുള്ളത്. എല്ലാവരുടേയും ആരോഗ്യനില തൃപ്തികാര്യമാണെന്നും മന്ത്രി അറിയിച്ചു.
Read Also: പന്തീരാങ്കാവ് യുഎപിഎ കേസ്; അനുബന്ധ കുറ്റപത്രം സമർപ്പിച്ച് എൻഐഎ