വയനാട്: വയനാട്ടിലെ ആദിവാസി ഊരുകളിൽ കോവിഡ് സ്ഥിരീകരിക്കുന്നവരുടെ എണ്ണം ക്രമാതീതമായി കൂടുന്നതിൽ ആശങ്ക. ജില്ലയില് ഇപ്പോഴുള്ള 28 ക്ളസ്റ്ററുകളില് 25ഉം ആദിവാസി കോളനികളാണ്. നെന്മേനി പഞ്ചായത്തില് ചുള്ളിയോട് മാത്രം ഇന്നലെ പരിശോധിച്ച 110 പേരില് 90 പേര്ക്കും രോഗം സ്ഥിരീകരിച്ചു.
പഞ്ചായത്തിലെ മറ്റിടങ്ങളിലും ഇതുപോല രോഗം പടരുകയാണ്. ഒരാഴ്ച മുമ്പുവരെ പുല്പ്പള്ളി മുള്ളന്കോല്ലി പഞ്ചായത്തുകളിൽ ആയിരുന്നു ആദിവാസികള്ക്കിടയിൽ ഏറ്റവുമധികം രോഗവ്യാപനം. വിവിധ വകുപ്പുകളുടെ തീവ്ര ശ്രമത്തിനോടുവില് ഇവിടങ്ങളില് സ്ഥിരീകരിക്കുന്നവരുടെ എണ്ണം കുറക്കാന് കഴിഞ്ഞു. അപ്പോഴേക്കും മറ്റു പഞ്ചായത്തുകളിലെ കോളനികളില് രോഗികളുടെ എണ്ണം കൂടി.
നെന്മേനിയെ കൂടാതെ തോണ്ടര്നാട് വെള്ളമുണ്ട, നൂൽപ്പുഴ പനമരം അമ്പലവയല് പഞ്ചായത്തുകളില് ടെസ്റ്റ് പോസിറ്റിവിറ്റി നിരക്ക് 30 ശതമാനത്തിൽ അധികമാണ്. രോഗം സ്ഥിരീകരിച്ചവരില് കൂടുതലും ആദിവാസി വിഭാഗത്തില് നിന്നുള്ളവരാണ്. ഇതോടെ പട്ടികവര്ഗ വകുപ്പുമായി ചേര്ന്ന് കൂടുതല് കോളനികളില് പരിശോധന നടത്തി രോഗികളെ കണ്ടെത്തുകയാണ് ആരോഗ്യവകുപ്പ് ഉദ്യോഗസ്ഥര്.
National News: രാജ്യത്തെ പ്രതിദിന രോഗികൾ കുറയുന്നു; മരണനിരക്ക് 4000ത്തിന് മുകളിൽ തന്നെ