ചെക്ക് റിപ്പബ്ളിക്കിനെ തകർത്ത് ദക്ഷിണ കൊറിയ; രണ്ട് ഗോളുകൾക്ക് ജയം
ആദ്യ പകുതിയിൽ ഗോൾ രഹിതമായിരുന്ന മൽസരത്തിന്റെ രണ്ടാം പകുതിയിൽ ഒരു ഗോളിന് പിന്നിൽ പോയ ശേഷമാണ് ദക്ഷിണ കൊറിയ രണ്ടു ഗോളുകൾ തിരിച്ചടിച്ച് വിജയം സ്വന്തമാക്കിയത്.
ദക്ഷിണ കൊറിയ ടീം (Image Courtesy: Hindustan Times)
ഗ്വാദലഹാരോ: ഫിഫ ലോകകപ്പ് എ ഗ്രൂപ്പ് മൽസരത്തിൽ ചെക്ക് റിപ്പബ്ളിക്കിനെതിരെ തകർപ്പൻ തിരിച്ചുവരവ് നടത്തിയ ദക്ഷിണ കൊറിയ 2-1ന് വിജയിച്ചു. ആദ്യ പകുതിയിൽ ഗോൾ രഹിതമായിരുന്ന മൽസരത്തിന്റെ രണ്ടാം പകുതിയിൽ ഒരു ഗോളിന് പിന്നിൽ പോയ ശേഷമാണ് ദക്ഷിണ കൊറിയ രണ്ട് ഗോളുകൾ തിരിച്ചടിച്ച് വിജയം സ്വന്തമാക്കിയത്.
ജയത്തോടെ ഗ്രൂപ്പ് എയിൽ ആതിഥേയരായ മെക്സിക്കോയ്ക്കൊപ്പം ദക്ഷിണ കൊറിയയും മൂന്ന് പോയിന്റുകൾ സ്വന്തമാക്കി. തുടക്കം മുതൽ മൽസരത്തിൽ ആധിപത്യം പുലർത്തിയായിരുന്നു ദക്ഷിണ കൊറിയയുടെ പോരാട്ടം. എന്നാൽ, ആദ്യ പകുതി ഗോൾ രഹിതമായി തന്നെ നിന്നു.
രണ്ടാം പകുതിയിൽ ആദ്യം മുന്നിലെത്തിയത് ചെക്ക് റിപ്പബ്ളിക്കായിരുന്നു. വ്ലാദിമിർ സൗഫലിന്റെ ലോങ്ങ് ത്രോയിൽ നിന്ന് നായകൾ ലാഡിസ്ളാവ് ക്രെയ്ച്ചിയാണ് ഓപ്പണിങ് ഗോൾ നേടിയത്. എന്നാൽ, 67ആം മിനിറ്റിൽ കൊറിയ ഒരു ഗോൾ മടക്കി. കാങ് ഇൻ ലീയുടെ പാസിൽ ഹ്വാങ് ഇംബിയോമാണ് സമനില ഗോൾ കണ്ടത്തിയത്.
മൽസരം അവസാനിക്കാൻ പത്തുമിനിറ്റ് ബാക്കിനിൽക്കെ ഹ്യോങ് ഗ്യു ഓഹ് വിജയമുറപ്പിച്ച നിർണായക ഗോൾ കണ്ടെത്തി. ഒരു ഗോളും അസിസ്റ്റുമായി തിളങ്ങിയ ഹ്വാങ് ഇംബിയോമാണ് കളിയിലെ താരം. ജൂൺ 25ന് ദക്ഷിണാഫ്രിക്കയ്ക്ക് എതിരെയാണ് കൊറിയയുടെ അടുത്ത മൽസരം. ചെക്ക് റിപ്പബ്ളിക്കിന് മെക്സിക്കോയാണ് എതിരാളി.
ദക്ഷിണ കൊറിയയുടെ 12ആം ലോകകപ്പും തുടർച്ചയായ 11ആം ലോകകപ്പുമാണ്. ഏഷ്യൻ രാജ്യങ്ങളിൽ ഏറ്റവും കൂടുതൽ തവണ ലോകകപ്പ് കളിച്ച രാജ്യമാണ് ദക്ഷിണകൊറിയ. അതേസമയം, 20 വർഷത്തെ ഇടവേളക്ക് ശേഷമാണ് ചെക്ക് റിപ്പബ്ളിക്ക് ലോകകപ്പിലേക്ക് മടങ്ങിയെത്തുന്നത്. ഇരു ടീമുകളും ലോകകപ്പിൽ ആദ്യമായാണ് ഏറ്റുമുട്ടുന്നത്. ഇതിന് മുൻപ് നടന്ന മൂന്ന് സൗഹൃദ മൽസരങ്ങളിൽ ഇരു ടീമുകളും ഓരോ ജയം വീതം നേടിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
