കൃഷ്ണഗിരി: റെംഡെസിവിര് കടത്താന് ശ്രമിച്ച ഐടി ജീവനക്കാരൻ അറസ്റ്റിൽ. ബെംഗളൂരു സ്വദേശിയായ ആനന്ദ് എന്നയാളാണ് കര്ണാടക അതിര്ത്തിയില് വെച്ച് പിടിയിലായത്.
കോവിഡ് രോഗികളുടെ ചികിൽസയ്ക്കായി ഉപയോഗിക്കുന്ന മരുന്നായ റെംഡെസിവിറിന്റെ ഒൻപത് വയല്സാണ് ഇയാള് ബെംഗളൂരുവിലേക്ക് കടത്താന് ശ്രമിച്ചത്. മരുന്ന് ബെംഗളൂരുവില് എത്തിച്ച് ഉയര്ന്ന വിലയ്ക്ക് വില്ക്കാനായിരുന്നു ഇയാളുടെ പദ്ധതിയെന്ന് പോലീസ് പറയുന്നു. 10000 രൂപയ്ക്ക് വാങ്ങിയ റെംഡെസിവിര് 15000 രൂപയ്ക്ക് വില്ക്കാനായിരുന്നു ഇയാളുടെ ഉദ്ദേശ്യം. ഇക്കാര്യം ഇയാള് സമ്മതിച്ചതായും പോലീസ് അറിയിച്ചു.
സിവില് സപ്ളൈ സിഐഡി സംഘമാണ് ഹൊസൂര്-കര്ണാടക അതിര്ത്തിയോട് ചേര്ന്നുള്ള ഇഎസ്ഐ ആശുപത്രിക്ക് സമീപത്തുനിന്നും പ്രതിയെ പിടികൂടിയത്.
Read Also: സെൻട്രൽ വിസ്താ നിർമാണം തടയണം; ഇടപെടില്ലെന്ന് സുപ്രീം കോടതി, ഹൈക്കോടതിയെ സമീപിക്കാൻ നിർദ്ദേശം