കൊച്ചി: പാചകവാതക വില കുത്തനെ കൂടി. വാണിജ്യ സിലിണ്ടറിന് 103 രൂപയാണ് കൂടിയിരിക്കുന്നത്. ഇതോടെ കൊച്ചിയിൽ വില 2359 രൂപയായി. നാല് മാസത്തിനിടെ 365 രൂപയാണ് വർധിപ്പിച്ചത്. കഴിഞ്ഞ മാസം 256 രൂപ കൂട്ടിയിരുന്നു. അതേസമയം, ഗാർഹിക സിലിണ്ടർ വിലയിൽ മാറ്റമില്ല.
തുടർച്ചയായ വിലവർധന വ്യവസായ സ്‌ഥാപനങ്ങളേയും ഹോട്ടലുകളെയും പ്രതിസന്ധിയിൽ ആക്കിയിരിക്കുകയാണ്. പ്രത്യേകിച്ച് കാറ്ററിങ് മേഖലയെ ഇത് സാരമായി ബാധിക്കും. കഴിഞ്ഞ മാസം ഒറ്റയടിക്കാണ് 256 രൂപ കൂട്ടിയത്. ഇതിന് പിന്നാലെയാണ് ഈ മാസം വീണ്ടും വില വർധിപ്പിച്ചിരിക്കുന്നത്.
ഗാർഹിക സിലിണ്ടറിന് കഴിഞ്ഞ മാർച്ച് 22നാണ് ഏറ്റവും ഒടുവിലായി വില കൂട്ടിയത്. അന്ന് 50 രൂപയാണ് കൂട്ടിയത്. അങ്ങനെയാണ് 954 രൂപ എന്ന നിലയിലേക്ക് ഗാർഹിക പാചകവാതക സിലിണ്ടറിന്റെ വില എത്തിയത്. അതേസമയം, വാണിജ്യ സിലിണ്ടറുകളുടെ വില തുടർച്ചയായി കൂടുന്നതിന്റെ കാരണം എന്തെന്ന് ഇതുവരെ വ്യക്‌തമാക്കിയിട്ടില്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
