കൊൽക്കത്ത: ബംഗാളിലെ ബിജെപി-തൃണമൂൽ പോര് മുറുകുന്നു. തിരഞ്ഞെടുപ്പിൽ തോൽപ്പിക്കാൻ കഴിഞ്ഞില്ലെങ്കിൽ മമത ബാനർജിയെ വധിക്കാൻ ബിജെപി ഗൂഢാലോചന നടത്താൻ സാധ്യതയുണ്ടെന്ന് മന്ത്രി സുബ്രത മുഖർജി. ബംഗാളിലെ സമാധാനം തകർക്കാനാണ് ബിജെപി ശ്രമിക്കുന്നത്.
ജെപി നഡ്ഡയുടെ കാറിന് നേരെയുണ്ടായ ആക്രമണം ബിജെപിയുടെ ഗൂഢാലോചനയാണ്. ഇക്കാര്യം അന്വേഷണത്തിലൂടെ പുറത്തുവരും. അങ്ങനെ സംഭവിച്ചില്ലെങ്കിൽ താൻ രാഷ്‌ട്രീയം വിടുമെന്നും സുബ്രത മുഖർജി പറഞ്ഞു.
നിയമസഭാ തിരഞ്ഞെടുപ്പിന് മുന്നോടിയായുള്ള പ്രചാരണത്തിനിടെ ബംഗാളിൽ ബിജെപി ദേശീയ അദ്ധ്യക്ഷൻ ജെപി നഡ്ഡയുടെ വാഹനവ്യൂഹത്തിന് നേരെ കല്ലേറുണ്ടായിരുന്നു. ഇതുമായി ബന്ധപ്പെട്ടുള്ള വിവാദങ്ങൾ ബംഗാളിൽ കെട്ടടങ്ങിയിട്ടില്ല. സംഭവവുമായി ബന്ധപ്പെട്ട് ബിജെപി തൃണമൂൽ കോൺഗ്രസിന് എതിരെ രംഗത്ത് വന്നിരുന്നു.
വലിയ സുരക്ഷാ വീഴ്‌ചയാണ് ഉണ്ടായതെന്നും തൃണമൂൽ പ്രവർത്തകരാണ് ആക്രമണത്തിന് നേതൃത്വം നൽകിയതെന്നും ബിജെപി ആരോപിക്കുന്നത്. എന്നാൽ ആക്രമണം ബിജെപിയുടെ സൃഷ്‌ടിയാണെന്ന് തൃണമൂൽ കോൺഗ്രസ് ആരോപിക്കുന്നത്. മന്ത്രിമാരും മുതിർന്ന നേതാക്കളും ഇതേ ആരോപണവുമായി രംഗത്ത് വന്നിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
