തിരുവനന്തപുരം: നെയ്യാറ്റിന്കരയില് ദമ്പതികളുടെ മരണത്തിന് ഇടയാക്കിയ തര്ക്കഭൂമി വിലക്ക് വാങ്ങി വ്യവസായിയായ ബോബി ചെമ്മണ്ണൂര്. ഇന്ന് വൈകുന്നേരത്തോടെ ഭൂമിയുടെ രേഖകള് രാജന്റെയും അമ്പിളിയുടെയും കുട്ടികള്ക്ക് കൈമാറും. വാങ്ങിയ സ്ഥലത്ത് പുതിയ വീട് നിര്മ്മിച്ചു നല്കുമെന്നും, ഒപ്പം വീടിന്റെ പണി തീരുന്നത് വരെ കുട്ടികളുടെ സംരക്ഷണം ബോബി ചെമ്മണ്ണൂര് ഏറ്റെടുക്കുമെന്നുമാണ് റിപ്പോര്ട്ടുകള്.
അയല്വാസിയുടെ പരാതിയുടെ അടിസ്ഥാനത്തിലുള്ള കോടതി ഉത്തരവിന്റെ ഭാഗമായി വീട് ഒഴിപ്പിക്കാനെത്തിയ അഭിഭാഷക കമ്മീഷനെയും പോലീസിനെയും പിന്തിരിപ്പിക്കാനായിരുന്നു ഗൃഹനാഥന് രാജന് ആത്മഹത്യാ ശ്രമം നടത്തിയത്. ഭാര്യയെ ചേര്ത്ത് പിടിച്ച് ദേഹത്ത് പെട്രോള് ഒഴിച്ച് ലൈറ്റര് കത്തിക്കാന് ശ്രമിക്കുകയായിരുന്നു.
ഇതിനിടെ പൊലീസ് ലൈറ്റര് തട്ടി തെറിപ്പിച്ചതോടെ ദേഹത്ത് തീ പടരുകയും ചികില്സയിലിരിക്കെ രണ്ട് പേരും മരിക്കുകയുമായിരുന്നു. മാതാപിതാക്കളുടെ മരണത്തോടെ അനാഥരായ കുട്ടികളെ സഹായിക്കുന്നതിനായി സംസ്ഥാന സര്ക്കാരും യുവജനസംഘടനകളും രംഗത്തെത്തിയിരുന്നു.
Read also: ഒന്നുകില് മേഖല തിരിച്ച് നടത്തുക അല്ലെങ്കില് വേണ്ടെന്ന് വെക്കുക; അടൂര്