ബെംഗളൂരു: തിരഞ്ഞെടുപ്പ് മുന്നില് കണ്ട് ബിജെപി സിബിഐയെ രാഷ്ട്രീയമായി ഉപയോഗിക്കുന്നതായി കോണ്ഗ്രസ് ആരോപണം. കര്ണാടക പിസിസി പ്രസിഡണ്ട് ഡി. കെ ശിവകുമാര്, സഹോദരന് ഡി.കെ സുരേഷ് എന്നിവരുടെ കേന്ദ്രങ്ങള് സിബിഐ റെയ്ഡ് നടത്തിയതാണ് കോണ്ഗ്രസ് നേതൃത്വത്തെ പ്രകോപിപ്പിച്ചത്.
സിബിഐ അന്വേഷണം ബിജെപിയുടെ സ്ഥിരം തിരഞ്ഞെടുപ്പ് തന്ത്രമാണെന്നും, ഉപ തിരഞ്ഞെടുപ്പില് തോല്വി ഉറപ്പാക്കിയ ബിജെപിയുടെ അടവാണെന്നും സംസ്ഥാന കോണ്ഗ്രസ് നേതൃത്വം വ്യക്തമാക്കി. റെയ്ഡിനെതിരെ മുന് മുഖ്യമന്ത്രി സിദ്ധരാമയ്യയും രംഗത്തെത്തി.
.@BJP4India has always tried to indulge in vindictive politics & mislead public attention.
The latest CBI raid on @KPCCPresident @DKShivakumar‘s house is another attempt to derail our preparation for bypolls.
I strongly condemn this.
— Siddaramaiah (@siddaramaiah) October 5, 2020
തിരഞ്ഞെടുപ്പ് അടുത്തിരിക്കെ കോണ്ഗ്രസിന്റെ ഒരുക്കങ്ങളെ തകര്ക്കാനുള്ള നീക്കാമാണിതെന്ന് സിദ്ധരാമയ്യ പറഞ്ഞു. തരംതാണ രാഷ്ട്രീയമാണ് ബിജെപി കളിക്കുന്നതെന്ന് റെയ്ഡ് തെളിയിക്കുന്നതെന്നും അദ്ദേഹം പറഞ്ഞു. സിബിഐ റെയ്ഡില് പ്രതിഷേധിച്ച് ബെംഗളൂരുവില് കോണ്ഗ്രസ് പ്രക്ഷോഭം സംഘടിപ്പിച്ചു. കോണ്ഗ്രസ് വക്താവ് രണ്ദീപ് സിംഗ് സുര്ജന് വാലയും നടപടിക്ക് എതിരെ പ്രതികരിച്ചിരുന്നു.
Read Also: ഡി കെ ശിവകുമാറിന്റെ വീട്ടില് സിബിഐ റെയ്ഡ്