തിരുവനന്തപുരം: വ്യാജവാര്ത്തകള് പ്രചരിപ്പിക്കുന്നത് തടയാനായി ‘സത്യമേവ ജയതേ’ എന്ന പേരില് മാദ്ധ്യമ സാക്ഷരതാ പരിപാടി നടപ്പിലാക്കുമെന്ന് മുഖ്യമന്ത്രി പിണറായി വിജയന്. പുതുവല്സര ദിനത്തില് നടത്തിയ വാര്ത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്.
വ്യാജവാര്ത്തകളെ തിരിച്ചറിയാനായി പൗരന്മാരെ ബോധവല്ക്കരിക്കുമെന്ന് അദ്ദേഹം പറഞ്ഞു. ‘മുന്നിലെത്തുന്ന സത്യവും അസത്യവും വേര്തിരിക്കാനുള്ള കഴിവ് പൗരന്മാർക്ക് വേണം. ഇതിനായി ഡിജിറ്റല് മീഡിയയെക്കുറിച്ച് സ്കൂളുകളിലും കോളേജുകളിലും പഠിപ്പിക്കും. എന്താണ് തെറ്റായ വിവരം, വ്യാജ വാര്ത്തകള് കാട്ടുതീ പോലെ എങ്ങനെ പടരുന്നു, വ്യാജവാര്ത്തകള് സൃഷ്ടിക്കുന്നവര് ലാഭമുണ്ടാക്കുന്നതെങ്ങനെ തുടങ്ങിയ എല്ലാ കാര്യങ്ങളും പുതിയ മാദ്ധ്യമ പാഠ്യപദ്ധതിയിലുണ്ടാകും‘– മുഖ്യമന്ത്രി പറഞ്ഞു.
National News: പ്രക്ഷോഭ ഭൂമിയിൽ ഒരു കർഷകൻ കൂടി മരിച്ചു; മരണ സംഖ്യ 37 ആയി