തിരുവനന്തപുരം: ദേശീയപതാകയെ അപമാനിച്ചെന്ന പരാതിയില് സംസ്ഥാന ബിജെപി അധ്യക്ഷന് കെ സുരേന്ദ്രനെതിരെ പോലീസ് കേസെടുത്തു. തിരുവനന്തപുരത്തെ സിപിഐഎം നേതാവ് പ്രദീപിന്റെ പരാതിയിൽ മ്യൂസിയം പോലീസാണ് കേസെടുത്തിരിക്കുന്നത്.
ഇന്ന് രാവിലെ ബിജെപി സംസ്ഥാന കമ്മിറ്റി ഓഫീസില് ദേശീയപതാക തലകീഴായി ഉയർത്തിയ സംഭവത്തിലാണ് നടപടി. കെ സുരേന്ദ്രന് ആദ്യം പതാക ഉയര്ത്തിയത് തലതിരിച്ചായിരുന്നു. തെറ്റ് മനസിലായി ഉടന് തിരുത്തിയെങ്കിലും വീഡിയോയും ഫോട്ടോയും സമൂഹ മാദ്ധ്യമങ്ങളിലൂടെ പ്രചരിച്ചതോടെ സംഭവം വിവാദമായിരുന്നു.
അതേസമയം, പതാക ഉയര്ത്തിയപ്പോള് കയര് കുരുങ്ങിയതാണെന്നും അതുകൊണ്ട് സംഭവിച്ച പിഴവാണെന്നുമാണ് ബിജെപി നൽകുന്ന വിശദീകരണം. ഇതിനിടെ മൊബൈല് ഫോണില് നോക്കി ജനഗണമന ആലപിച്ച് കേന്ദ്രമന്ത്രി വി മുരളീധരനും വിവാദത്തിലകപ്പെട്ടു. അറ്റന്ഷനില് നിന്ന് ദേശീയഗാനം ആലപിക്കേണ്ടതിന് പകരമാണ് മൊബൈല് ഫോണില് നോക്കി ജനഗണമന പാടി മന്ത്രി വിവാദത്തിലായത്.
Also Read: വനിതാ ഡോക്ടർക്ക് നേരെ ചെരിപ്പെറിഞ്ഞു; ആറ്റിങ്ങലിൽ രണ്ട് പേർ പിടിയിൽ