വടകര: ആർഎംപിക്ക് നൽകിയ വടകര സീറ്റിൽ ഇത്തവണ കോൺഗ്രസ് സ്‌ഥാനാർഥി തന്നെ മൽസരിക്കും. കെകെ രമ സ്‌ഥാനാർഥിയാവണം എന്ന ഉപാധിയോടെയാണ് വടകര സീറ്റ് കോൺഗ്രസ് ആർഎംപിക്ക് നൽകിയത്. എന്നാൽ രമ പിൻമാറുകയായിരുന്നു. ഇതേത്തുടർന്നാണ് സീറ്റ് കോൺഗ്രസ് തിരിച്ചെടുത്തത്.
മാത്രമല്ല ധർമടം സീറ്റ് ഏറ്റെടുക്കില്ലെന്ന് ഘടകക്ഷിയായ ഫോർവേഡ് ബ്ളോക്കും നിലപാട് വ്യക്‌തമാക്കി. ഇതോടെ ധർമടത്തും കോൺഗ്രസ് തന്നെയാകും മൽസരിക്കുക. വടകരയും ധർമടവും കൂടി ഏറ്റെടുക്കുന്നതോടെ ഇത്തവണ 94 സീറ്റുകളിൽ കോൺഗ്രസ് സ്‌ഥാനാർഥികൾ മൽസരിക്കും. വട്ടിയൂർക്കാവ്, കുണ്ടറ, പട്ടാമ്പി, നിലമ്പൂർ, തവന്നൂർ, കൽപ്പറ്റ സീറ്റുകളിലും ഇനി സ്‌ഥാനാർഥി പ്രഖ്യാപനം നടത്തേണ്ടതുണ്ട്.
Read also: ബത്തേരിയില്‍ എൻഡിഎ സ്‌ഥാനാര്‍ഥിയായി മൽസരിക്കും; സികെ ജാനു
