മസ്ക്കറ്റ്: ഒമാനിൽ തുടർച്ചയായ രണ്ടാം ദിവസവും കോവിഡ് കേസുകൾ ആയിരം കടന്നു. കഴിഞ്ഞ 24 മണിക്കൂറിനിടെ രാജ്യത്ത് 1,047 പേർക്ക് കൂടി കോവിഡ് സ്ഥിരീകരിച്ചതായി ആരോഗ്യ മന്ത്രാലയത്തിന്റെ അറിയിപ്പിൽ പറയുന്നു. രാജ്യത്ത് കോവിഡ് വ്യാപനം ക്രമാതീതമായി വർധിക്കുന്നു എന്നാണ് പുതിയ കണക്കുകൾ സൂചിപ്പിക്കുന്നതെന്നും ആരോഗ്യ മന്ത്രാലയം പറഞ്ഞു.
ഇതുവരെ 2,18,271 പേർക്കാണ് രാജ്യത്ത് കോവിഡ് സ്ഥിരീകരിച്ചത്. ഇതിൽ 2,00,421 പേർ രോഗമുക്തി നേടി. നിലവില് 91.8 ശതമാനമാണ് രാജ്യത്തെ രോഗമുക്തി നിരക്ക്. കഴിഞ്ഞ ദിവസം മരണപ്പെട്ട 11 പേരുൾപ്പടെ ഇതുവരെ 2,356 പേര് രാജ്യത്ത് കോവിഡ് ബാധിച്ച് മരിച്ചതായാണ് ഔദ്യോഗിക കണക്കുകൾ.
നിലവില് 802 പേര് രാജ്യത്തെ വിവിധ ആശുപത്രികളില് ചികിൽസയിലുണ്ട്. ഇവരില് 257 പേര് തീവ്രപരിചരണ വിഭാഗങ്ങളിലാണ്. മറ്റുള്ളവർ വീടുകളിൽ ഐസൊലേഷനിൽ കഴിയുകയാണ്.
Kerala News: ഷിബു ബേബി ജോൺ മാറിനിൽക്കില്ല; മുന്നണി മാറ്റത്തെക്കുറിച്ച് ആലോചിച്ചിട്ടില്ലെന്ന് ആർഎസ്പി