കോഴിക്കോട്: വടകരയിൽ കടപ്പുറത്തെ കരിങ്കല്ലിനുള്ളിൽ എട്ട് വയസുകാരൻ കുടുങ്ങി. കുട്ടിയെ രക്ഷപ്പെടുത്താൻ ശ്രമം തുടരുകയാണ്. വരാന്റെ തയ്യിൽ മുബീനയുടെ മകൻ ഷിയാസാണ് കരിങ്കല്ലിനുള്ളിൽ അകപ്പെട്ടത്. വടകര മുട്ടുങ്ങൽ കക്കാട്ട് പള്ളിക്ക് സമീപത്തെ കടൽക്കരയിലെ കരിങ്കല്ലിനിടയിലാണ് കുട്ടി അകപ്പെട്ടത്.
നിലവിൽ കുട്ടിക്ക് ആരോഗ്യ പ്രശ്നങ്ങൾ ഇല്ല. എന്നാൽ, കല്ലുകൾ മാറ്റിയാൽ മാത്രമേ കുട്ടിയെ പുറത്തെടുക്കാൻ കഴിയുകയുള്ളൂ. ഫയർഫോഴ്സും നാട്ടുകാരും രക്ഷാപ്രവർത്തനം നടത്തുകയാണ്. മൂന്ന് മണിക്കൂറിലേറെയായി രക്ഷാപ്രവർത്തനം തുടരുകയാണ്. കുട്ടി കളിക്കുന്നതിനിടെയാണ് അപകടത്തിൽപ്പെട്ടത്.
Most Read: അസമിൽ 5 അൽഖ്വയ്ദ ഭീകരർ പിടിയിൽ