ചെന്നൈ: തമിഴ്‌നാട് നിയമസഭാ തിരഞ്ഞെടുപ്പിന് ഒരു മാസം മാത്രം ശേഷിക്കെ മൽസര രംഗത്തേക്ക് ഇല്ലെന്ന സൂചന നൽകി വികെ ശശികല. തന്റെ പൊതുജീവിതം അവസാനിപ്പിക്കുന്നു എന്നാണ് അവർ പത്രക്കുറിപ്പിലൂടെ അറിയിച്ചത്. എന്നാൽ നിയമസഭാ തിരഞ്ഞെടുപ്പിൽ എഐഎഡിഎംകെ. പ്രവർത്തകരോട് യോജിപ്പോടെ നിൽക്കണമെന്നും ഡിഎംകെയുടെ പരാജയം ഉറപ്പാക്കണമെന്നും അവർ ആവശ്യപ്പെട്ടു.
നിയമസഭ തിരഞ്ഞെടുപ്പിൽ ശശികല ഉറപ്പായും മൽസരിക്കുമെന്ന് അവരുടെ അനന്തരവൻ ടിടിവി ദിനകരൻ കഴിഞ്ഞ ദിവസം പറഞ്ഞിരുന്നു. ഇതിന് തൊട്ടുപിന്നാലെയാണ് ശശികലയുടെ പ്രഖ്യാപനം എന്നതും ശ്രദ്ധേയമാണ്. അഴിമതിക്കേസിൽ ബെംഗളുരുവിലെ ജയിലിൽ കഴിയുകയായിരുന്ന ശശികല ജനുവരിയിലാണ് ജയിൽ മോചിതയായത്.
Read Also: ബലാൽസംഗ കേസിൽ 20 വർഷങ്ങൾക്ക് ശേഷം നിരപരാധി; യുവാവ് ജയിൽ മോചിതനായി
