പൃഥ്വിരാജിന്റെ സംവിധാനത്തില്‍ പുറത്തിറങ്ങിയ മലയാളത്തിലെ സൂപ്പർ ഹിറ്റ് ചിത്രമായ ‘ലൂസിഫര്‍’ തെലുങ്ക് പതിപ്പ് ചിത്രീകരണം ആരംഭിച്ചു. ചിത്രത്തില്‍ നായകനായി എത്തുന്നത് മെഗാസ്‌റ്റാർ ചിരഞ്‍ജീവിയാണ്. നേരത്തെ തെലുങ്ക് റീമേക്കിന്റെ പ്രഖ്യാപനം സമൂഹ മാദ്ധ്യമങ്ങളിൽ തരംഗമായിരുന്നു.
മലയാളത്തിൽ സകല കളക്ഷൻ റെക്കോഡുകളും വെട്ടിച്ച ചിത്രം കൂടിയായിരുന്നു ലൂസിഫർ. മോഹൻലാലിനൊപ്പം വിവേക് ഒബ്‌റോയ്, സായ് കുമാർ, മഞ്‌ജു വാര്യർ, പൃഥ്വിരാജ്, ഇന്ദ്രജിത്ത് എന്നിവരും മുഖ്യവേഷങ്ങൾ അവതരിപ്പിച്ചു.
ചിരഞ്‍ജീവിയാണ് മോഹൻലാൽ അവതരിപ്പിച്ച സ്‌റ്റീഫൻ നെടുമ്പള്ളിയെന്ന കഥാപാത്രമായി തെലുങ്കില്‍ അഭിനയിക്കുന്നത് എന്നതിനാല്‍ തന്നെ ആരാധകര്‍ കൂടുതൽ ആവേശത്തിലാണ്.
മോഹൻരാജയാണ് ചിത്രം സംവിധാനം ചെയ്യുന്നത്. സിനിമയുടെ വിശേഷങ്ങള്‍ ചിരഞ്‌ജീവി തന്നെ നേരത്തെ അറിയിച്ചിരുന്നു. സിനിമക്ക് ‘ഗോഡ്‍ഫാദര്‍’ എന്ന് പേരിടാൻ തീരുമാനിച്ചതായാണ് റിപ്പോര്‍ട്ടുകള്‍. ചിരഞ്‍ജീവിയുടെ മകന്‍ രാം ചരണ്‍ ആണ് ചിത്രം നിര്‍മിക്കുന്നത്. നയൻതാരയാണ് ചിത്രത്തിൽ നായിക.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
