കോഴിക്കോട്: കരിപ്പൂരിൽ സ്വർണവേട്ട തുടർക്കഥയാകുന്നു. വിമാനത്താവളം വഴി കടത്താൻ ശ്രമിച്ച 1,492 ഗ്രാം സ്വർണ മിശ്രിതം പിടികൂടി. 62 ലക്ഷത്തോളം രൂപ വില വരുന്ന സ്വർണ മിശ്രിതമാണ് കോഴിക്കോട് കസ്‌റ്റംസ് പ്രിവന്റീവ് വിഭാഗം പിടികൂടിയത്.
ഷാർജയിൽ നിന്നും ചൊവ്വാഴ്‌ച പുലർച്ചെ എത്തിയ കാസർഗോഡ് സ്വദേശിയായ ഹംസ(21), മലപ്പുറം സ്വദേശി ഫിറോസ് (23) എന്നിവരിൽ നിന്നാണ് സ്വർണം പിടികൂടിയത്.
കസ്‌റ്റംസിന് ലഭിച്ച രഹസ്യ വിവരത്തിന്റെ അടിസ്‌ഥാനത്തിൽ നടത്തിയ പരിശോധനയിലാണ് ഇവരിൽ നിന്ന് സ്വർണ മിശ്രിതം പിടികൂടിയത്. ഹംസയുടെ പക്കൽ നിന്ന് 1065 ഗ്രാം സ്വർണ മിശ്രിതവും ഫിറോസിന്റെ പക്കൽ നിന്ന് 427 ഗ്രാം സ്വർണ മിശ്രിതവുമാണ് കണ്ടെത്തിയത്.
ക്യാപ്‍സ്യൂൾ രൂപത്തിൽ ശരീരത്തിനുള്ളിൽ ഒളിപ്പിച്ചു കടത്താൻ ശ്രമിക്കുന്നതിനിടെയാണ് ഇവര്‍ പിടിയിലായത്. കസ്‌റ്റംസ് അസിസ്‌റ്റന്റ് കമ്മിഷണർ കെവി രാജന്റെ നിർദേശ പ്രകാരം സൂപ്രണ്ടുമാരായ പ്രവീൺ കുമാർ കെകെ, പ്രേംജിത്, കെ സന്തോഷ് ജോൺ, ഇൻസ്‌പെക്‌ടർമാരായ പ്രതീഷ്, എം മുഹമ്മദ് ഫൈസൽ, ഇ ജയദീപ് എന്നിവരടങ്ങുന്ന സംഘമാണ് പ്രതികളെ പിടികൂടിയത്.
Malabar News: മയക്കുമരുന്ന് വേട്ട; ജില്ലയില്‍ മൂന്ന് യുവാക്കള്‍ പിടിയില്‍
