മലപ്പുറം: കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണവേട്ട. 55 ലക്ഷത്തിലധികം രൂപ വിലവരുന്ന 1256 ഗ്രാം സ്വർണ മിശ്രിതമാണ് വിമാനത്താവളത്തിലൂടെ ഇന്ന് കടത്താൻ ശ്രമിച്ചത്. കോഴിക്കോട് കസ്റ്റംസ് പ്രിവന്റിവ് വിഭാഗമാണ് സ്വർണം പിടികൂടിയത്. സംഭവത്തിൽ ദുബായിൽ നിന്നും എത്തിയ വടകര സ്വദേശി അബ്ദുൾ റഷീദിനെ കസ്റ്റംസ് അറസ്റ്റ് ചെയ്തു. ഫ്ളൈദുബായ് വിമാനത്തിലാണ് ഇയാൾ നാട്ടിൽ എത്തിയത്.
ശരീരത്തിനുള്ളിൽ സ്വകാര്യഭാഗത്ത് ക്യാപ്സ്യൂൾ രൂപത്തിൽ ഒളിപ്പിച്ച നിലയിലായിരുന്നു സ്വർണം. രഹസ്യവിവരത്തിന്റെ അടിസ്ഥാനത്തിൽ കോഴിക്കോട് നിന്ന് എത്തിയ കസ്റ്റംസ് പ്രിവന്റിവ് വിഭാഗമാണ് സ്വർണം പിടികൂടിയത്.
Read also: സ്വർണക്കടത്ത് കേസ്; അഭിഭാഷകയെ കസ്റ്റംസ് ചോദ്യം ചെയ്യും